كريم الراهب (6 ترنيمة )

١- أنا جاي بفرح يملا أيامك
أنا جاي أنادي ضحك القلب يبتدي
أنا عايز أكون لك نور النهار
وأملا لياليكي أغاني ونوحك يتنسي

القرار- ترجع تنفتح أبوابك وأبقى أنا نهر سلامك
وأنادي ... أنادي عليكي يا محبوبتي

٢- أنا عايز أقول لك لا للخوف
فأنا مخلصك ووليك حافظك
في ستري هاخبيكي في ستر الآب
وتكوني عروسًا وأنا إلهك زينتك

١- (على أنهار المدينة ياما بكينا والعيون تسأل حوالينا فين الترنيمة ؟ )٢
فين أرضنا.. فين حلمنا ؟!
معقولة هاقدر أرنم ترانيم الإله والأرض غريبة عني وأنا عايش جوايا !
فين أرضنا.. فين حلمنا ؟!

القرار – ( وسع إيماننا نشوف يا رب أجمل مدينة
أنت لنا أعددتها وفيها أسامينا )٢

٢- جايين لك نسكن في سترك... وفي ضلك نبات
يا رجانا أنت ملجأ... مش للذكريات
معاك ننسى اللي فات... المر واللي مات
كل ضايع مش هايساوي... موتك عننا
يا وطن أفضل سماوي... يا عمرنا
يا أرضنا... يا حلمنا

١- من كتر خوفي من عيون الناس
من كتر خوفي من كلام الناس
باعمل حاجات مخصوص علشان ما ترضي الناس
وأقول كلام مرصوص يعجب جميع الناس

القرار – ( وعشان ما أرضي البشر– زيفت أنا روحي )٢
بعت الحقيقة ( لأجل ما أرضي الناس )٢

٢- باغلط وباتخفى وألبس وجوه زائفة
والشر جوايا والناس ما هيش شايفة
وربنا شايف وكل شيء كاشف
وإزاي أخاف من البشر ومنه مش خائف

٣- يا رب خليني واضح وقلبي نضيف
أعيش صريح شفاف وأبعد عن التزييف

١- ( إن يوم الريح هاجت على المركب واشتد صوتي عليك باللوم
أما يهمك أننا نهلك؟ ليه يا يسوع سايبنا اليوم ؟ )٢

القرار – ألاقيك يا إلهي شايف وعارف...
ألاقيك يا ربي في صفي واقف...
وألاقي يمينك بتحامي عني...
وتدوب في حضنك كل المخاوف

٢- ( لما العيان يشتد ظلامه... ويبان إن وعودك أوهام
ويشككني عدوك في صلاحك... وإيماني يخور ويا الأيام )٢

القرار – ألاقي يسوع واقف قدامي
يتشفع عني ويقوي إيماني
وألاقيه في ميعاده بيحقق وعده
ويعلم قلبي ما يشكش تاني

القرار – ( مين زيك بين الآلهة يا رب
مين زيك.. أو حتى مين شبهك )٢

١- مين كال المية بكف إيده
وقاس السماوات بالشبر
وكال بالكيل تراب الأرض
وبالميزان وزن الجبال

٢- مين لا بيكل ولا بيعيا
ومافيش لفهمه أي حدود
مين اللي لكونه شديد القدرة
ماحدش بيضيع من إيديه

أنت جاي لأرضنا... قلت جاي لمصرنا
١- جاي راكب ع السحابة... جاي تصنع ليك مخافة
ونفوس هاتتولد من كلمتك
جاي تخلي قلوب بعيدة... في دماك تبقى جديدة
تعرفك تعطش يا ربي لسكتك

القرار – ( مهما تكون أقدامنا لسه صغيرة
كل مكان هاندوسه بيك هانغيره )٢

٢- جاي تشق أنت السماء ينتشر بيك السلام
ويكون لاسمك علامة في كل بيت
رؤيتك في قلب باكي... تبقى صيد جوة شباكي
جه الميعاد علشان نوسع الخيام