مارك إسحق (31 ترنيمة )

1- (ماتخافشي دي كلمة قالها ليَّ الرب
وسط الخوف والضلمة ساند بيها القلب)2
(راح اشوف بيها النور وأعدّي وسط بحور
ولا يوم القلب يخور ده وعده ماتخافشي)2
2- (ده وعد إلهي بيعزّي في الصعب
إيه في الدنيا يساوي قلبه المليان حب؟)2
(أمشي معاه المشوار وسماه ليَّ الدار
ولا يوم أبداً احتار ده وعده ماتخافشي)2
3- (ده وعد أبويا يسندني في الدرب
أقرب لي من أخويا وليَّ أعظم أب)2
(أسكن معاه بأمان وأنا شاكر للإحسان
وأعيش بالإيمان ده وعده ما تخافشي)2

القرار - لسه تحت الشمس ضلة لو في غربة وتوهة ولا
لو رجلينا فيها زلة فيه سحابة فوقنا طالة

لسه فيه نور في طريقنا لو ظلام الليل خانقنا -1
فيه عمود نار بيرافقنا عمانوئيل هو رفيقنا
لسه بالإيمان هانعيش لو فيه خير أو حتى مافيش -2
كل الكون ده مايساويش جلسة معاه ما تتنسيش
لسه فيه بحور هاندوسها وأراضي جديدة نشوفها -3
ووعود إلهية هانعيشها بالرجا القلب شايفها
لسه فيه شوق في قلوبنا نرفع اسم يسوع حبيبنا -4
لو فيه صعب في دروبنا هو نصيرنا في حروبنا
لسه فيه كمان وكمان خير ورحمة طول الزمان -5
من إلهنا رب الأكوان هايوصلنا لبر الأمان
لسه عايشين بالأماني إنه جاي لينا تاني -6
فايض الفرح الروحاني وفي سماه تحلى الأغاني

المس نعش حياتي يا سيدي نادي عليَّ بكلمة أقوم
ده أنا ميت ولا أمر بإيديَّ وبخطايايا عليَّ اللوم (٢)
ولا يكفيني غير رحمتك ولا يشبعني غير نعمتك (٢)
استرني.. ابرئني.. ارحمني

اغسل قلبي بقوة صلبك احيي رجايا وكل آمالي
اغمر نفسي بحنان قلبك أنا واثق إني أنا فيك غالي (٢)
ولا يكفيني غير رحمتك ولا يشبعني غير نعمتك (٢)
استرني.. ابرئني.. ارحمني

نادي بروحك واحيي عظامي قومني وفك قيودي
عايز أعيش كل أيامي أنشد ليك وأرفع تمجيدي (٢)
ولا يكفيني غير رحمتك ولا يشبعني غير نعمتك (٢)
استرني.. ابرئني.. ارحمني

وأنا باخدم في كرم النعمة إيه فيَّ علشان تختارني -1
كنت العبد وأجري اللقمة لمقام الحب بترفعني

القرار - وتنسل من بين شمايلك وتكون على راسي جمايلك
تشبعني دايماً بخيرك ولا يكفيني يا سيدي غيرك

لما حملت ياربي نيرك لقيته هيّن وخفيف -2
ورعاية كاملة في مسيرك لو عدّى الموت زي الطيف
والروح فيَّ بيشهد إني ابنك وكمان باشهد ليك -3
عايش في الأرض ومستني إمتى هاتيجي يا أغلى مليك

1- (محتاج اقعد معاك وافضفض باللي جوايا
و اشوف ربي بهاك و لضعفي ألقاك شفايا)2

القرار - (محتاج أسكب أمامك نفسي وأشبع بيك
يغمرني نبع سلامك وتفيض بالخير إيديك)2
وتفيض بالخير إيديك

2- (محتاج منك ألاقي أحضان و إيدين تصون
وتعوض لي اشتياقي وتكون لي قلب حنون)2
3- (محتاج أقدم حياتي وطيبي عند رجليك
دا ماضيَّ وكل آتي ضامنه بالنعمة فيك)2

مش بين حي وميت رفعتني كنت فعلاً ميت قومتني -1
في الرحلة معايا أمنتني روحي بعنايتك حفظتني
رفعتني . قومنتني . أمنتني . حفظتني
وبحنان قلبك سكنتني جودك ومراحمك منحتني -2
ومحيت ذنوبي خلصتني من كل قيودي حررتني
سكنتني . منحتني . خلصتني . حررتني
مديت ليَّ إيدك حملتني وبنظرة عينيك طمنتني -3
وفي ضعف قلبي سندتني رعيتني في دربي أحببتني
حملتني . طمنتني . سندتني . أحببتني
من سلطان الظلمة أنقذتني ومن فيض النعمة شملتني -4
فوق صخرة إيماني ثبتني مليتني أغاني فرحتني
أنقذتني . شملتني . ثبتني . فرحتني
صرخت في ضعفي سمعتني ووقفت في صفي أنصفتني -5
وفي غربة حياتي لاحظتني وفي توهتي وبعادي حاوطتني
سمعتني . أنصفتني . لاحظتني . حاوطتني

1- (حين صار لي حبيباً طاب لي معه السجود
واختاره قلبي نصيباً أبد الدهر يسود)2

القرار - ربي شفائي .. نبع ارتوائي .. سر نقائي
فيه كل ما أريد ومعه شيئاً لا أريد
ومعه شيئاً لا أريد

2- (حين ألمح سناه أعرف أين أسير!
أجري أتبع خطاه و له أنا أسير)2
3- (حين لا يوجد رجاء عنده كل الحلول
وفي الأرض وفي السماء سلطانه لا يزول)2

زي طيارة ورق وطارت في السما من غير جناح
غيمة غطت أرضنا وبكرة تضيع مع شمس الصباح
(بقوة الروح اللي عمّر الأرض بعد الخراب
وحدك يا ربي تقدر ترجّع أمان بلدي اللي غاب)2
(ماتزعليش يا بلدي من الجراح ومن اللي صابك
ده بكرة جاي وهاتشوفي نور الصباح يتجمعوا أحبابك)2
(تتشدد من تاني الإيدين ويرجع لقلوبنا الحنين
ونبكي بدموعنا و صارخين طالبين بركة لبلادنا)2
(ويرحل غروبها وتعمر دروبها ويصفى لنا نيلها والفرحة تعود
وتشفي جراحها وتنور صباحها وجناين تطرحها بزهر وورود)2
لما تبارك بلادنا .. لما تبارك بلادنا .. لما تبارك بلادنا

جه أراضينا رب المجد يسوع علشان يفدينا
نلنا فيه حرية ومجد وهبها يسوع فادينا
جيت أراضينا أنت وحليت شلت عنا العار
حررت نفوسنا وحليت في حياتنا المرار (٢)
خدت جسدنا وإحنا خطاة وكسيتنا ببرك
وبصلبك اديتنا نجاة وكشفت لنا سرك (٢)
مت وانشق الحجاب ودخلنا الأقداس
واقفين قدام عرش الآب وبنحيا الخلاص (٢)
غيرت طبيعة الفساد وصرنا أحبابك
والمسلوب بالنعمة عاد هايدخل أمجادك (٢)

لو في يوم البحر هاج مالقيناش من الضيقة مهرب -1
والظروف فوق الاحتياج ولنجاتنا نحاول ونهرب
لو نقول للموت مخارج كلمتك دي مش ظنون
غالب الأسد اللي خارج ينتصر ومعاه نكون

القرار - إنت أعظم من قلوبنا مهما كان فينا انكسار
روحك فينا بيساندنا يخلق جوانا انتصار

لو بحور شفناها تنشف ومافيش خير في الغيطان -2
والجراد حوالينا ينسف كل زرع أخضر يبان
اتكالنا وفرحنا فيك يسوع رب الوجود
تصبح الدفة لصالحنا حكمتك فوق الحدود
لو تضيع أحلامنا منا يوم ماشفناها بعينينا -3
ولو ليلنا مافاضشي منه غير سواده وحزنه لينا
في الصباح تشرق علينا والأمل يملا صدورنا
وتعمل فينا وبينا ويعلا بيك انتصارنا