مهيب عدلى (34 ترنيمة )

1- (قدام كلامك قلبي يدوب وألاقي نفسي في حالة ارتياح
تشفي مشاعري وأبقي يا دوب كطفل يحبي في ساحة براح)2
القرار – (وبنار قداستك تمس ارتدادي تبدل ضعفي تحميني بسياج
وعلى وعودك يكون اعتمادي وأنا في طريقي كلامك سراج)2
2- (في حفظ عهودك كل السرور روحي تهيم في ضي الكتاب
واخطي بثبات وأعدي البحور وتجدد فيَّ كنسر الشباب)2
3- (ساعدني أعيش لك في عبادة وسجود شبعي في كلامك من بعد جوع
وعلى كياني شرعتك تسود وأعيش كلامك وأمجد يسوع)2

1- (انت إلهنا تحارب عنا لما يزيد الخوف جوانا
وفي ضعفاتنا انت بتعيننا وبنصرة بنرفع أعلامنا)2

القرار - (شدّد أيادينا للخير نبني الأسوار المهدومة
واثقين فيك انت يا قدير نصرتنا في شخصك مضمونة)2

2- (وبترفعنا إيديك الصالحة وتثبِّت أعمال إيدينا
بندوس كل صعابنا الجارحة بالروح اللي مالينا)2
3- (نبِّه أرواحنا وانهضها لشهادة حية مسموعة
كلماتنا بروحك أيّدها احنا عيوننا ليك مرفوعة)2

1- (ينابيع بركاتك ما بتنشفش والصعبة معاك ما بتصعبش
وفيض إحسانك ما بتمنعش والقلب بوعدك ما بيضعفش)2
القرار - دي إيديك تشفي كل الجروح ونسيم فرح معاك بيفوح
في حضورك كل حزني يروح أفراح وياك في ملئ الروح)2
2-) وكل ما نطلب تسمع لينا من كل ضيقاتنا بتنجينا
بإنات الروح تشفع فينا خيرك أضعاف بتعطينا)2
3- (ولو تتزلزل الجبال ده وجودك يمحي كل محال
ولو في يوم رجانا مال بتنجي وتحيّي كل أمال)2

1- (بتحلِّي المرارة وتحيي الحجارة من كوم التراب
دي ثقتي أكيد في اللي يقدر يعيد آمال اللي خاب)2

القرار - ما انت القدير تؤمر ويصير ليك السلطان على كل الأمم
وانت الأمين طول السنين تشهد بإنك إله النعم

2- (بتجدد قلوب وترجع تتوب وتعيش ع الرجاء
ده صليب النجاة بيحيي اللي مات يشرق بالحياة)2
3- (هاتيجي بصباح وتشفي الجراح اللي مالية السنين
و اشوف الحبيب بعلم الصليب ويزيل الأنين)2

1- (لو ضيقاتنا عدت حدود الاحتمال فاقت أفكارنا
لما إليك ربي نعود تشفينا وتحلّي مرارنا)2

القرار - (قلوبنا تتسكِن قدامك عنوانها يبقى بين إيديك
طريقنا يتنور بكلامك يا إلهنا يرجع المجد ليك)2

2- (لو شرايين أملنا اتقطعت من جديد تِحيي رجانا
وكل صلوة إليك اترفعت نلقى جوابك بالخير جانا)2
3- (لو في يوم يِبست عظامنا روحك ينادي فينا بحياة
وساعتها نِعلن بيك أفراحنا ونقوم كجيش لمجد الله)2

1- (الخير جاي ده إلهي حي سواقيه مليانة بالمية
وبأصناف هايكون أضعاف من إحسانه و جوده عليَّ)2

القرار - (فارد إيدي وباخد منه رافع عيني وناظر ليه
قلبي اتطمِّن واثق إنه رب الكون ومِلك إيديه)2
رب الكون ومِلك إيديه

2- (الخير جاي معاه في الضي بنصرة معدي كل بحار
في الأزمات لامس بركات بالهتافات أهدِم أسوار)2
3- (الخير جاي ومافيش زي إني أعيش هنا بالإيمان
ناظر ليه تسندني إيديه لحد ما اشوفه بالعيان)2

1- (ماتخافشي دي كلمة قالها ليَّ الرب
وسط الخوف والضلمة ساند بيها القلب)2
(راح اشوف بيها النور وأعدّي وسط بحور
ولا يوم القلب يخور ده وعده ماتخافشي)2
2- (ده وعد إلهي بيعزّي في الصعب
إيه في الدنيا يساوي قلبه المليان حب؟)2
(أمشي معاه المشوار وسماه ليَّ الدار
ولا يوم أبداً احتار ده وعده ماتخافشي)2
3- (ده وعد أبويا يسندني في الدرب
أقرب لي من أخويا وليَّ أعظم أب)2
(أسكن معاه بأمان وأنا شاكر للإحسان
وأعيش بالإيمان ده وعده ما تخافشي)2

القرار - لسه تحت الشمس ضلة لو في غربة وتوهة ولا
لو رجلينا فيها زلة فيه سحابة فوقنا طالة

لسه فيه نور في طريقنا لو ظلام الليل خانقنا -1
فيه عمود نار بيرافقنا عمانوئيل هو رفيقنا
لسه بالإيمان هانعيش لو فيه خير أو حتى مافيش -2
كل الكون ده مايساويش جلسة معاه ما تتنسيش
لسه فيه بحور هاندوسها وأراضي جديدة نشوفها -3
ووعود إلهية هانعيشها بالرجا القلب شايفها
لسه فيه شوق في قلوبنا نرفع اسم يسوع حبيبنا -4
لو فيه صعب في دروبنا هو نصيرنا في حروبنا
لسه فيه كمان وكمان خير ورحمة طول الزمان -5
من إلهنا رب الأكوان هايوصلنا لبر الأمان
لسه عايشين بالأماني إنه جاي لينا تاني -6
فايض الفرح الروحاني وفي سماه تحلى الأغاني

المس نعش حياتي يا سيدي نادي عليَّ بكلمة أقوم
ده أنا ميت ولا أمر بإيديَّ وبخطايايا عليَّ اللوم (٢)
ولا يكفيني غير رحمتك ولا يشبعني غير نعمتك (٢)
استرني.. ابرئني.. ارحمني

اغسل قلبي بقوة صلبك احيي رجايا وكل آمالي
اغمر نفسي بحنان قلبك أنا واثق إني أنا فيك غالي (٢)
ولا يكفيني غير رحمتك ولا يشبعني غير نعمتك (٢)
استرني.. ابرئني.. ارحمني

نادي بروحك واحيي عظامي قومني وفك قيودي
عايز أعيش كل أيامي أنشد ليك وأرفع تمجيدي (٢)
ولا يكفيني غير رحمتك ولا يشبعني غير نعمتك (٢)
استرني.. ابرئني.. ارحمني

القرار - (متأيِّد أنا بإلهي ومتعزز بالقوة
أيوه عزي و جاهي أيوه ضماني هو)2

1- (لو أخطار حواليَّ تسود وعواصف ورياح ورعود)2
هاتطمِّني بأحلى وعود وحصون حواليَّ تشيد
وأفضل بيك متأيِّد
2- (لو شكوك جوايا تدور أو وقفت قدامي بحور)2
هاتوصلني لحد النور وعدو الخير متقيد
وأفضل بيك متأيِّد
3- (لو في الغربة شُفت آلام منعتني أمشي لقدام)2
وحدك تملا قلبي سلام وفي أمجادك راح أعيد
وأفضل بيك متأيِّد