أمجد عاطف (42 ترنيمة )

1-(مهتم تجيني في أتعابي وفي وقت الضيق
وتكون لي سحابة تظللني طول الطريق)2
(ترشد خطاويَّ في ليالي بعمود من نور
وتقول لي اطمن ما تخافشي العدو مأسور)2
في بحيرة نار سايبه بيصرخ زي الغريق

القرار- (هاتخاف من إيه؟ هاتخاف من إيه؟
ده العالم كله في إيديَّ ومِتحكم فيه)2

2-(أنا عيني بتغفل وتنام لكن انت لا
وأنا المخلوق اللي ما يُذكَر و انت الإله)2
(تتنازل دايماً وتجيني وقت الخطر
ويجف النهر لكن بالقى في كفك مطر)2
وأنا باسمع صوتك بيقول لي أنا ليك حياة

3-(وأنا شايف الظُلم بيتشطَّر وبيجهز لي
تهمس في وداني وبقوة ربي تقول لي)2
(ولا حاكم يقدر يتحكم أبداً في مصير
أنا بس اللي باقوله هايمشي هو اللي يصير)2
إيه ممكن يوم يا ابني هايحصل غصب عني؟

القرار- (هنهز عرش إبليس بالصلاة والترنيمات
وهانرفع التقديس ليسوع رب السموات)٢

١- (هانحاربه بالإيمان والآيات الكتابية
وندوس على الشهوات والوعود المغرية)٢
وطول ما الصليب فى إيدينا والرب ساكن فينا)٢)
الضعف البشري هايتبدل لقوة سماوية

٢- (الوعد وعد الرب بيه هانسحق الحيات
إبليس مالوش سلطان لا في ألم ولا في ضيقات)٢
إيمانا هايقهره ورجانا هايكسره)٢)
والدرع اسم الرب يسوع صاحب القوات

٣- (بالدم لينا سلطان والله سلامنا وقوتنا
بهتاف نهدم حصون وعليها نرفع رايتنا)٢
يرجع إبليس يحارب ويزوِّد في التجارب)٢)
بنعلن إنه أكيد مهزوم في الرب نصرتنا

1- (لما تحس إنك مهموم حاسس دايماً بضعف وخوف
لازم تتشدد وتقوم دي القوة في حضن يسوع)2
(خلّي ثقتك دايماً فيه كل حياتك قدام عينيه
عمره ما يسيبك في الشدة طول ما انت ماسك في إيديه)2
2- (لما تحس إنك مهزوم حاسس دايماً بحزن ولوم
نادي عليه بصوت مسموع دي النجاة في الرب يسوع)2
(قادر ربي يزيح الهموم وخوفك بسلام مضمون
يدّيك قوة ونصرة تدوم وبحبه يمسح كل الدموع)2

1- (قولي إيه ممكن يطمن غير أيدي الممدودة ليك
نعمتي كانت تكمل كل نقص وجدته فيك)2
ليلك حولته لنهار كل ضعف لانتصار
أي شيء هدد حياتك كنت أحوله المسار
القرار- كل ده ولسه خايف يجي بكره زي أمبارح
هوإيه ممكن ها يحصل لو مكنتش أنا سامح
أول ما إيمانك يقودك أوعى ضعفك يوم يسودك
بالهوان راح يحني عودك بيها تتغير ملامحك
2- (ليه تدور الحياه وسط ضلمه وسط موت
لو يتوه قلبك أدلك وسط زحمة الشكوك)2
وأفتح الأحضان وأضمك وأزرع الأمان في قلبك
وبحنان أجري عليك بلهفة القلب المحبة
3- (قلبي بيحاوط عليك وقت لحظة الاختيار
عمري ما سبتك لوحدك وأنت في حيره ومرار)2
ترتجف من الخوف أجيلك تنحني من الحمل أشيلك
ما أنا كل الكون في أيدي مين يقدر يهينك

1- محبتك غمرتني بفيض ملاني سلام
ونعمتك أحيّتني رسمت لي طريق نجاة
و إيدك سندتني عديتني م الأخطار
وكلامك ريحّني وسط صعاب الحياة

القرار – (وفي كل يوم بامشيه معاك باشوف فيك أعظم إله
يسوع أمانتك كالصخر ثابتة ومحبة دايمة للمنتهى)2

2- دي لمستك شفيتني من كل ضعف وداء
وقدرتك بهرتني عندك مافيش محال
وحكمتك أغنتني عن أفكار الحكماء
ورحمتك سترتني غفرت كل اللي فات

1-(مشغول ليه وأنا ساندك رافعك فوق الضيقات
حيران ليه وأنا ماسكك في إيديَّ إلى الأبد)2
(ماشي معاك يا حبيبي في طريقك ليل ونهار)2
وفي عز الليل الحالك (رافعك من وسط النار)2

2-(وفيت لك كل ديونك بصليبي حملت العار
وبدمي الغالي جعلتك ابني الغالي المختار)2
(اذهب واعمل في كرمي بشر كل الأشرار)2
واجذبهم إلى أحضاني (تحظى بالانتصار)2

3-(وفي يوم مجيئي التاني هاخدك إلى الأمجاد
تتمتع بالحبايب وترنم للأبد)2
(تنسى أحزان العالم أتعابك والآلامات)2
وترنم ع القيثارة (عظمت الانتصارات)2

1-(افتح بيبانك للنور للحياة
اعلن إيمانك بالرب الإله)2
(ثبت رجائك على فرح السما)2
(ابدأ في رحلة حب تعيش للمُنتهى)2
2-(افتح بيبانك يدخل ملك الملوك
يهزم ممالك يطرد اللي هانوك)2
(ويشيل أحمالك اللي ياما حَنوك)2
(تخرج مرفوع الراس وإيديك في إيدين أبوك)2
3-(افتح بيبانك يحيا فيك اللي مات
تبدل أهاتك بنغم الترنيمات)2
(تعلّي بهتاف المجد كل التسبيحات)2
(تشبع النفس الحية بفيض الإحسانات)2
4- (افتح بيبانك تتهدّم الأسوار
تملك أراضي وتعيش الانتصار)2
(ده من نور الشمس الليلة هيهل النهار)2
(يهزم ليالي الأسر وسنين الانكسار)2
5-)افتح بيبانك افرح مع الفرحين
جدد ألحانك إبليس يخرج حزين)2
(وخد مكانك ما بين المؤمنين)2
(في موكب النصرة وهتاف الغالبين)2

1- (تعالَ يا ربي لينا المسنا وابتدي فينا
وبروح قدسك فيض فينا تعالَ وجهِّز أوانينا)2

القرار – (بارك شعبك يا فادينا من فضلك عود واحيينا
اِرسل النهضة لينا بمراحمك سود علينا)2

2- (تعالَ يا ربي وعوّضنا عن كل رماد في ماضينا
يتحول وادي البُكاء لفرح وهتاف لفادينا)2

3- (احيي عملك وسطينا اِروي عطشنا و أراضينا
لتمجيدك شكّلنا وللخدمة أرسلنا)2

1- (لو في يـوم عتمت فجأة حياتك إبليـس حاول يهزمك
ويشيع مماتك ضاع منك الهدف لبقية أيامك
ونسيت أمتى في يوم أرتاح بالك ؟)2
القرار – (اجري عليه واحتمي ده هو الملجأ
ده يسوع يحارب ينتصر دي مش نهايتك تتكل ليـه ع البشر
ده يسوع ربك أوعى تفتكر في يوم إنك هنا وحدك)2
2- (لو في يوم أتخلى عنك أعز أحبابك
وما لقيتش حضن فيه تشكي حالك الحزن داب وأنتشر
جوه كيانك والرجاء أختفى وضاع من قدامك)2

القرار: (طوباك يا فرحان في محضر الرب يسوع
فرحان ولا همك تعب ولا عطش ولا جوع
قلبك مليان تعزيات وسلام مش بيزول
ناسي العالم كل ما فيه ومافيش تاني رجوع)2
1- (و انت يا خاطي توب وارجع قدم توبة اليوم
دي الأيام بتفوت تجري ولا فيه شيء بيدوم
ده أبوك فرحة قلبه ترجع من تاني تعيش ليه يلا
تعالى ليسوع ربك و تعيش ليه مهموم؟)2
2- (لما تكون دايماً عينيك ناظرة للمصلوب
وقيامته اللي كسرت نيرك وماعدتش مغلوب
هايكون صعب عليك تبعد وقلبك يقسى عليه
ده هو أبوك الحقيقي و انت ابنه المحبوب)2