1- كتير صعبة هالحياة ما فيها شي بيعنيني
بتمر ساعات ورا ساعات وألمي يزيد وأنيني
كلما تمر الأيام عم بتزيد الآلام
من ألمي بصرخلك نجيني
القرار - ( إيدك وحدا رح ترفعني فوق كل الأزمات
شخصك وحدو هو بيشفي وينسيني اللي فات
وتعزيني وتقويني رح ضل إشهد عنك
إنت يسوع رب الحياة ) 2
2- مهما تقسى هالدنيي وعليي تزيد همومي
شارد حزين ووحيد حياتي مش مفهومي
عارف إنك قريب أنا إبنك مش غريب
حياتي لأنا بإيدك أكيد مضموني
