محب صلاح (182 ترنيمة )

(نهتف ندخل حربنا وجه الرب يسير أمامنا)2
(ضاربين أبواق الهتاف مُسقطين كل الأسوار)2
أسلحتنا بالله قادرة .. أسلحتنا بالله قادرة
(نهجم على عدونا نعلن اسم إلهنا)2
(هادمين كل الحصون مستأسرين كل الأفكار)2
(أسلحتنا بالله قادرة .. أسلحتنا بالله قادرة)2

القرار- (افتح قلبي القاسي وأُملك فيه يا يسوع
كنت باعِيش وأنا ناسي من غير أي رجوع)2

1- (كنت في جهلي عنيد رافض صوتك ليَّ
و انت مادِد لي الإيد بمراحم سماوية)2
2- (ياما سمعت كتير وفضلت في خطايايَ
ورفضت التغيير وعشت لدنيايَ)2
3- (إبليس رابط إيدي بسلاسل وقيود
نفسه يفضل سيدي مش عايزني أعود)2
4- (وآدي دموع التوبة من إنسان محتاج
إنك تيجي وتشفي وتبقى لنفسي علاج)2

1- أيوه الجرح زاد جوايا لما شفت ابني ضنايا
فوق صليبه ويا لهيبه يبكي قلبه وتبكي سمايا

القرار- لو بإيدي أفدي حبيبي كنت بروحي أنا أفديه
ابني الغالي صليبه عالي وأنا مش قادرة أوصل ليه

2- يصرخ يصرخ قلبي معاه يبكي تبكي عينيَّ معاه
أسمع صوته ويا سكوته ويا كلامه يقول الآه
3- مد إيديه كتير بالخير وآدي جزاة الخير مسامير
اللي بحبه ورقة قلبه ياما داوى جروح كتير
4- آه من القسوة بكت روحه آه من الدمع اللي في نوحه
يبكي قلبي على ابني اللي سامح رغم جروحه

القرار - (من مجد لمجد بتنقلنا وبحُبَّك دايماً تغمرنا
يا حبيب القلب بتحملنا وفي نني العين انت تصوننَا)2

1- (بتمِد ذراعك ترفعنا وقت الصعوبات انت معنا)2
يا قلب حنين يسمعنا يا حب أكيد بيطمنَّا
2- (يا قائد قود السفينة سلمنا الدفة يا راعينا)2
عارفين إنك لينا المينا ولبر سلامك تهدينا
3- (لا تتركنا ربي يتامى وعدك إنك تبقى معانا)2
انت حبيبنا وانت أبانا انت رجانا وبترعانا

القرار - أنت رب النجدة تيجي وقت الشدة
ومهما تطول المدة أو الظروف تتحدى

1- تيجى وتشيل عنا وتشيل معانا الصليب
تسندنا في التجارب وتدافع يا حبيب
2- تيجى مع الضيقات تيجى في الأزمات
مصدر للبركات والسلام والتعزيات
3- تيجي وسط العاصف نور في الضلمة كاشف
كل طرقنا عارف ومعانا دايماً واقف
4- تيجي بكل ثبوت وتحررنا من القيود
إنت إلهنا المعبود وإحنا أولادك شهود
5- تيجي جوه النيران وتخلي الذئاب حملان
وعدك لينا ضمان معاكم طول الزمان

القرار – (عايش بيك من غيرك انت إزاي أعيش؟
شايف فيك فرحة وسعادة ماتنتهيش)2

1- (رحمة وحياة طول الطريق وانت معايا
حب وصلاح وانت الصديق ترعى خطايا)2
2- (قلبك بيدّي لقلبي أمان وسط الظلام
بالحب تدّي كل الحنان تشفي الآلام)2
3- (انت راعيَّ إزاي أسيبك وأروح لغيرك؟
تمسك إيديَّ أمشي في طريقك وأشبع بخيرك)2

القرار – (مش ممكن راح أعيـش من غيرك ولا يمكن يوم هابقى لغيرك)2
(ده أنت إلهي اللي فداني و دفـع الثمن الــدم الغـالي)2
1- (إزاي هابقى لغيرك وأنت سر سلامي
و إزاي هانسى أنك أنت نبع حياتي)2
فـ طول أيامي ليك بأهديك العمر الآتي
2-(مين كان غيرك يفدي حياتي مين كان غيرك
مين كان غيرك ينهي عنائي مين كان غيرك)2
ده مافيش غيرك كان يجي ويموت علشاني
3-( كنـت بعيد عايش في آثامي كـلي خـطية
جيت وبحب حملت آلامي م العبودية)2
لحياة هنية تسـعـد بيها حياتي يا فاديَّ

1- تعالوا تعالوا يا تعابى.. من العالم الحزين
تعالوا خذوا السعادة.. من فادي العالمين
(هاتنسوا هموم العالم.. في لحظة في طرفة عين)2
في لحظة في طرفة عين

القرار- ده جماله بارع بارع.. أجمل من كل الناس
نور وجهه ساطع ساطع.. كله محبة وإخلاص
(مش لاقي زي حبيبي .. دوّرت في كل مكان)2
دوّرت في كل مكان

2- ياللي العالم خدعكم .. بالمال أو بالشهوات
تعالوا لخلاص نفوسكم .. ده العمر سنين لحظات
(اتركوا زينة العالم .. ده ياما خدع أموات)2
ده ياما خدع أموات
3- صدره دايماً مفتوح .. لجميع المتعبين
بجوار جنبه المجروح .. ينساب دمع السخين
(نرنم ننسى العالم .. عالم مليان أنين)2
عالم مليان أنين
4- حبيبي مالك حياتي اللي وهبني الحياة
معاه لقيت نصيبي روحي هيمانة وياه
(وأنا مهما نظرت لغيره تشتَاق روحي لرؤياه)2
تشتاق روحي لرؤياه

1- (نعلي مجدك .. يا مالك الشعوب
ونسجد لك .. أنت هو المهوب)2

القرار- (لك حبنا لك حمدنا .. أنت برنا فيك فخرنا)2

2-(نأتي لشخصك .. نطيع أمرك
ونخضع لك .. لجلال ملكك)2
3-(سر بوجهك .. أمامنا يا بار
فِض بروحك .. اغمرنا باستمرار)2

1- لما المشاكل والمتاعب يوم تحل
والبركة ترحل عننا والخير يقل
نرمي الحمول على ربنا ونقف نصلي بقلبنا
نلقى اللي كان يوم مستحيل له ألف حل
2- لما السنين تجري ما نشعر بارتياح
ونحس يوم إن السلام في قلوبنا راح
نلجأ بسرعة لأمنا حضن الكنيسة يضمنا
يزرع محبة في قلبنا يداوي الجراح
3- لما الحياة تملا عينينا بالدموع
ونحس إن الحزن ساكن في الضلوع
لا نسيب حياتنا للقدر ولا نتكل على إيد بشر
مين اللي يمسح دمعنا غير إيد يسوع