1- في عيد ميلادك يا ربي المجيد
بافضل سهران مستني أعيش فرحة العيد
باتمنى أكون في المذود ومعاك سعيد
وأشوف اللحظة ديّة لو حتى من بعيد
القرار- كل القلوب بتهني والكون فرحان بيغني
والشمس هاتشرق من جديد
والناس فرحانة في عيدك سلمت حياتها في إيدك
اقبل قلوبنا في يوم العيد
2- يا ريتني سهرت وسط السهرانين
وشفت نجمك عالي في قلوب المنتظرين
يا ريتني قدرت أسبح وأقول آمين
وأنشد أحلى ألحاني على مر السنين
