1- ( النهارده يا رب جيت لك .. أصل عمري طلع يستاهل
إن أعيشه جمب منك .. بدل ما أروح للناس أتحايل ) 2
( ماصغرتش أنا في عيونك .. لما روحت لطريق مايل
خلاني أبعد أنا عنك .. لطريقك مابقاش طايق ) 2
القرار- ( بس أنا راجع عندي إيمان .. حبك ليَّ زي زمان
ماتغيرش يا ربي في يوم .. مهما إتعير الإنسان
واقف مستنيني هناك .. والفرحة دي مش سيعاك
لسه فاتح حضنك ليَّ .. ومكاني موجود في سماك ) 2
2- ( النهارده وجوه حضنك .. حاسس حملي مش تقيل
ما انت شيلت الشيلة عني .. وكتافي مابقتش تميل ) 2
( ما انت قولت أنا هستناك .. مهما كنت ضعيف وعنيد
أمال أبقى أبوك إزاي .. لو ماكنتش عنك أشيل ) 2
