ماجد صبحي (42 ترنيمة )

1- (نونو أنا متشال في عيونه
نايم هما يكونوا عليَّ سهرانين
صوته مالي وداني وموته
كان علشان ملكوته ليَّ من سنين)2

القرار - (طول عمري أنا هاعيش لك
تبقى حياتي ملك إيديك
أرسم بسمة على وشك
تفرح بيَّ و أفرح بيك)2

2- (وأكبر وأبقى بحبه أكتر
حب اد ما بقدر من كل قدرتي
فاكر كل جمايله و شاكر
حب قلبه الغافر ده غفر لي خطيتي)2
3-(برضه هكبر و ابقى جدو
وأفضل نونو عنده ويفضل راعي أمين
دوقوا رقة قلبه وذوقه
عطفه وحبه وشوقه لأولاده المؤمنين)2

1- (كل امتناني وعرفاني بالجميل
ليسوع إلهي اللي اتصلب عنّي بديل)2
(دي حياتي غالية في عين يسوع أعظم عظيم
ده بذل حياته لشخص زيي أنا الأثيم)2

القرار- (ده أنا مفدي بالدم الكريم دم المسيح
مش بالذهب والفضة ده بأعظم ذبيح)2
ده أنا مفدي بالدم الكريم

2- (هو الحمل اللي حمل عنّي ذنوب
هو الذبيح من غير دنس من غير عيوب)2
(بإرادته سلِّم نفسه للموت الأليم
علشان أعيش مع شخصه هو في النعيم)2
3- (دمه اللي سال هو اللي قال حبه رقيق
ثمن الخطايا بتاعتي كان موت البرىء)2
عهده الجديد بالدم بيزيل القديم
وإدّاني رحمة ونعمة هو إله رحيم)2

يا رب نور عينينا على حبك العجيب
على عطفك وحنانك على موتك بالصليب
حبيتنا مش بالكلام .. لكن دُقت الآلام
علشانّا مُت عنّا .. حبيتنا يا يسوع
(وعشان حبك بنغني لك يا يسوع
نشهد عن فضلك وجميلك يا يسوع)2
يا إله الحب إحنا ليك .. عمرنا وحياتنا بين أيديك
بنقول بنحبك .. بنحبك يا يسوع
املانا بالمشاعر .. وبلحن نغني بيه
وفي ضعفنا أنت شاعر بنحبك قد إيه
حتى إن تعبيرنا خاننا .. ولساننا بضعف غنّى
تشفع وتغني عنّا .. وتقبلنا يا يسوع

1-ملك كل الملوك .. قادر على كل شيء
كلنا ملكك إحنا .. وتسبيحنا ليك يليق
ملك كل الملوك .. كل كرامة ليك
بيغني الكون كله ليك
القرار- (ليك كل استحقاق تاخد مجد وقدرة
دي كل الأشياء بيك مخلوقة ليك)2
2-نقف عند كرسيك نطرح لك الأكاليل
نسجد ليل ونهار لاسمك يا بار أنت الجليل
نقف عند كرسيك نعزف بالقيثارات
نعزف ألحان انتصارات
3-شبع قلبى معاك .. فرحان طول الأبدية
هافضل بيك متهني .. وباغني مادام معاك
شبع قلبي معاك .. مستني بأشواق
أرفع لك كل استحقاق

١- فوق كل اسم في كل مكان
اسمك يا يسوع الاسم العالي
(والركب الساجدة وكل لسان
يعترفوا إنك ملك الأكوان)٢

القرار- (ياللي مفرحني.. ليك صوتي ولحني
لجـــلالك باحنـــي.. راسي يا يســـــوع)٢
(فوق كل رياسة وسلطان فوق كل قوة وسيادة
دلوقتي وكل الأزمان ربي يسوع وحدك ليك كل عبادة)٢

٢- في يمين الله في السماويات
يا إلهي يسوع إنت الجالس
(وشعوب الأرض بتخضع ليك
ده العالم كله اتكون بيك)٢

1-تسبيح وتحية للرب فاديَّ
باهديلك أغنية وآجي أسجد ليك
لو فيه أغنية تقول كل ما فيَّ
يا إلهي لو عليَّ أنا هافضل أقولها ليك
القرار- وإزاي أخبي وأنت فيك كل اللي قلبي اشتهاه ؟
ده أنا كل حبي ربي ليك
وأنت اللي فيك معنى الحياة
هاشهد وأغني تسبيحات
هارفعها بصوتي وبالألات
وإن كانت عاجزة الترنيمات
جوايا باغني المجد ليك
2-بتتوه ألحاني .. وباحاول تاني
ألحاني عاجباني لما بتكون ليك
بشفاه معترفة .. كلمات مختلفة
وعيون مش عارفة غير تفضل باصة ليك
3-لو يوم في حياتي خلصت كلماتي
لو يوم سكتت آلاتي .. قلبي دقاته ليك
من غير ما أتكلم .. المجد أقدم
لو ساكت أو بارنم .. يخرج تسبيحي ليك

(ما كانش قصر كبير مكان ميلادك
ما كانتش عيلة غنية ولا جاهزة لمعادك)2
مين كان يقول إن المسيح يجيلنا طفل فقير ؟
ولا حتى يلقى سرير مريح لطفل في جمالك

القرار- (يسوعي انت الملك ... تؤمر يكون فيكون
انت الوحيد تمتلك قلبي اللي ليك مديون)2
(جايب جيتاري وعودي .. و باجدد لك عهودي
يا يسوع يا معنى وجودي انت العيد ..)2

2- (كان صعب أفهم ليه تيجي هنا مكاني؟
من حضن الآب مسيا على الأرض وتعاني!)2
تيجى بدالي بالآلام رب الحياة .. وتموت!
طول عمري هاسجد للي قام من الموت وأحياني

القرار- (مين يشبه ليك ؟
مين ممكن في السما والأرض يكون زييك ؟
مين يشبه ليك ؟
مين أجمل منك ؟ .. ده جمال الكون موجود فيك)2
1-ليك باغني وأعلّيك .. ومني باقول فيك
كلامي اللي أنا حاسس بيه
مين جميل زيك ؟ مين ؟ حنين وأمين .. وقلبي يموت فيه
2-شوق حياتي أني أدوق جمالك اللي يفوق
كل جمال الكون والناس
فيض في قلبي بأناشيد .. مقامك أنت يزيد
عالي وفوق الراس

١- قد إيه يا يسوع أنت حبيتني حب يعجز عن وصفه الكلام
حب ضحى بأغلى حاجة عشاني في صليب فيه المهانة والآلام

القرار- قد كده حبتني جيت يارب فديتني واديتني حياة
وفداءك ليَّ كان أغلى هدية من عند الله

٢- مين يلاقي قلب زي قلبك حب أعظم من حبك مافيش
وضعت نفسك ربي عشان حبايبك برضاك مت بدالي عشان أعيش

٣- هافضل طول العمر أنا مش ناسي شاكر وشايل الجميل
ده بصليبك وحده كان خلاصي من غيره كان خلاصي مستحيل
هافضل ياربي طول حياتي ليك أغني مابقاش أنا أبداً فخور غير بالصليب

القرار- يارب العظمة بنمجدك ننشد وبصوت مسموع
مع كل نسمة بنسبحك وبنكرم اسم يسوع

١- كل قلوبنا تغني شعبك بيك متهني
فرحتنا بيك يا فادينا ريّسنا وملك لينا
حق وواجب علينا نكرم اسم يسوع

٢- تبقى حياتنا ذبيحة نعيشها ليك تسبيحة
نهتف نعلي غنانا والدنيا دي سامعانا
نفضل لحد لقائنا نكرم اسم يسوع