مجموع أصحاب (27 ترنيمة )

القرار- دبلة وطرحة وورد كتير
فرحة وصوت ترتيل
سُبح ولحن جميل بنغنيه
رب المجد يكون بيقود هو البيت ويسود
وحده بخير وبجود من فيض إيديه

1-(ده فرح بنته وابنه دول مش جايين هايبنوا بيتهم
لكن ده هو اللي بناه
بيتهم ده هايبقى بيته وسراج مليان بزيته
بيشِع بنور يسوع وبصوت غُناه)2
2-(لو خطر أو ضيق وجوع تيجي لمسة يسوع
ويبارك زي عُرس قانا الجليل
تلمس بالنعمة إيده وبإيده الخير يزيده
يضمن أبدية الحب الجميل)2

القرار- (ربنا موجود .. إيده شغالة وسطينا
أيوة لينا وعود .. من إيديه يملالنا إيدينا)2

1- لا مش منسيين .. هو إله للتعبانين
حاسس بينا .. لو الناس مش حاسين .. بحنانه يجود
2- رامي الحمل باطيع .. لما سلامي في لحظة يضيع
يقدر ييجي .. حتى في رابع هزيع .. بسلامه يسود
3- شايف شعب كبير .. ربي ضامن له التغيير
يقدر يخلق .. ناس بحسب قلبه كتير .. مش بس داود
4- صوتي يرنم ليه .. ده أخد موتي وشاله عليه
للي فداني .. هاغني أغاني ليه .. بربابة وعود

1-(نور يلاقيه كل اللي يبص عليه
وعمره ما يبقى في يوم خجلان
بالعكس ده عنده الخير والجود
تشجيع على طول موجود
للي يروح له وعنده إيمان)2
2-(لما ناديته جاني مد إيديه ونجاني
بخلاصه المجاني لازم أغني ليه
علشان هو عارفني عدى في ضعفي وشافني
عمره في يوم ماكسفني لما لجأت ليه)2
3- (ليه قلقان من بكرة ومن الأيام ؟!
هو مرتب كل أموري
أحسن لي أتمتع بيه
بلُقاه بحلاوة العشرة معاه
وأخد نور من نور الله)2
4-(ليَّ الحق أغني وأرفع صوتي
لأنى مسبي برب خلقني وفداني من الموت
كل العمر أرفع لهملك أيديه وباخضع له
ولما هاموت هارجع لهوفي حضنه هاغني ليه)2

1-فوق كل اللي طلبناه أكتر من اللي حلمناه
كل اللي بنتمناه اديت
طول ما انت معانا يكون أحلى بيت في الكون
عارفين بكرة مضمون طول ما انت فيه

القرار- (هايكون أحلى بيت و هاتفرح بيه
عايزين ايه تاني؟ .. طول ما انت فيه)2

2-فاكرين شاكرين عمل إيديك طول عمرنا
(مش ناسيين بركات سنين بيك شبعانين يا عمرنا)2
3-وعدي إني أكون ليك شمعة تنور لياليك
وأحاول إني أخلّيك مبسوط
وعدي أشيلك في العين جوة نني العين
بيسوع واحنا الاتنين نبني أحلى البيوت

(في المزود جاية أسجد .. وبامجد فيك يا يسوع
في معادي السنة دي جاية أفرح بيك يا يسوع)2
(يا طفل جميل في مزود يا ملك كل الوجود
بمهابة جاية باسجد .. ده شرف ليَّ السجود)2
كل سنة وأنت معايا .. كل سنة وأنا معاك
مش معايا ليك هدايا .. بس أنا عمري ما أنساك
جبت لحني وغنايا .. وصوتي يتمنى رضاك
جاي أغني في عيد ميلادك .. جاي أهني نفسي بيك
(العيد ده مش عيدك ! .. ده يوم عيديأنا !
أنا طاير من الفرحة .. هاملا الدنيا غُنا)2
(كان إيه يبقى مصيري لو ماكنتش ربي جيت ؟!
الله بنفسه جاني .. لازم أبقى سعيد)2

1- جايين بآلاتنا نهتف .. نشكر من قلبنا
لو كل كلامنا يوصف .. نحتاج ولا 100 سنة
أيوة أنت يا رب رايتنا .. وأبونا وفخرنا
جايبين لك تسبيحتنا .. وتقديرنا وشكرنا
القرار- شكرًا ليك بنعلّيك .. مجدك يرجع ليك مش لينا
كل ما فيك أحلى وأجمل .. من الأوصاف اللي في أغانينا
شكراً ليك بنعليك .. مجدك يرجع ليك مش لينا
كل ما فيك أحلى وأجمل من أغانينا
2- مايهمش كام سنة فاتت .. ولا فيه كام سنة قدام
دي قلوبنا بجد اشتاقت .. تهديك باقي الأيام
راجعين نبقى لجلالك .. قدام رجليك خدام
نفضل باصين لجمالك .. ونعبر بالأنغام

1- جمعت قلوبنا بيك .. خليتنا واحد فيك
واديتنا الحب يملا القلب .. نفرح نتهنى بيك
بيتنا يبقى ليك .. يبقى محفوظ في أيديك
بيتنا هيغني ليك
القرار- (بيتنا هيغني لك)4 .. وهيرفع لك هتاف
طول حياتنا راعينا .. ماسك أنت أيدينا
وشايلنا على الأكتاف
2- أنت الراعي الأمين .. تشهد كل السنين
عن كل جودك ووعودك .. وحنانك يا معين
بيتنا هاتخليه بيتك .. وتنور فيه
بيتنا هيغني ليك
3- وهتسكن عندنا .. وأولادنا بعدنا
ليك يسجدوا ويعبدوا .. ضامنين فيك سعدنا
تملا البيت أفراح .. تبقى أنت فيه بترتاح
بيتنا هيغني ليك

القرار- (لأنك انت معايا .. لأنك انت معايا .. لأنك انت معايا .. ايه بقى هايخوفني ؟)2
1- (أصحابي في سنة خامسة وستة .. وأنا لسه في سنة رابعة
وفيه ناس أولى وتانية وتالتة .. وفي ثانوي وفي الجامعة)2
قادر تعرف كل خرافك بالاسم وبالسن كمان
تضمن ليَّ حياتي لأني خروف مخصوص وسط الخرفان
طول ما هاتفضل ليَّ راعيَّ أنا مش ممكن أخاف ..
2- (ربي يا راعي يا أشطر راعي .. أنا في إيديك مطَّمِّن
ضامن فيك العمر بتاعي .. ليه أنا هاقلق أصلاً ؟)2
ياللي ضمنت امبارح تقدر تضمن بكرة كمان فى إيديك
بكرة وبعده وبعده وبعده .. ضامن كل الأيام فيك
طول ما هاتفضل ليَّ راعيَّ أنا مش ممكن أخاف ..

1- (يا سمكة بسرعة قوليلي .. إزاي ؟ وليه ؟
اللي خلقني وخلقك بتسبحيه ؟
طب بتغنيله ولا بتعملي ايه ؟
ولا بطريقتك وحدك بتفرحيه ؟)2
الله خلاني أعوم .. لو صاحية أو وقت النوم
لو باكل أو لو كان صوم
علشان باعرف أعوم .. فباعوم
بس أنا مش باعرف أعوم ؟
ما يهمكش

القرار- (لو أعوم أو أبلبط .. لو أرسم أو أشخبط
لو صوتى ملخبط .. ربى بيقبل تسبيحي)2

2- (وأنتي يا رسامة قولي لي .. إزاي ؟ وليه ؟
اللي خلقني وخلقك بتسبيحه ؟
طب بتغنيله ولا بتعملي ايه ؟
ولا بطريقتك وحدك بتفرحيه ؟)2
الله إداني عيون .. وإيدين تمسك فُرشة ولون
وخيال يتشاقى بجنون ازاى أبطل أرسم يوم ؟!
بس أنا مش باعرف أرسم!
ما يهمكش
3- (ياللي بتقولي ترنيمة .. إزاي ؟ وليه ؟
اللي خلقني وخلقك بتسبيحيه ؟
طب بتغنيله ولا بتعملي ايه ؟
ولا بطريقتك وحدك بتفرحيه ؟)2
الله اداني لسان .. وكلام من قلبي وألحان
عايزة افضل أغني كمان وكمان
ازاى أبطل أغني في يوم ؟! بس أنا مش باعرف أغني !
ما يهمكش
لو أعوم أو أبلبط .. لو أرسم أو أشخبط)
لو صوتي ملخبط .. ربى بيقبل تسبيحي)2
أنا قلبى مزقطط .. فرحان يتنطط
الله بيظبط كل صلاتي وتسبيحي

1-(ابنك وبنتك .. شايفين أمانتك
طالبين حضورك يملا بيتنا مصدقين
أنت اللي واعد .. فيك نبقى واحد
جمعت أنت يا رب ويفرقنا مين ؟!)2
القرار- (بارك بيتنا .. واضمن كل حياتنا فيك .. وادينا فرحة وسلام
دى طلبتنا : إن عيلتنا تبقى ليك أحلى شهادة مش كلام)2
2-(هافضل أحبك .. هاخضع لحُبك
زى الكنيسة والمسيح عايزين نعيش
مهما يقابلنا .. الله جامعنا
مع بعضنا طول عمرنا .. وفراق مافيش)2