راعوث وديع (5 ترنيمة )

1- عند الصليب قابلت عداوتي محبتك عند الصليب قابلت شري بنعمتك ضايع ولقيتك طريق ميت ولقيتك حياة وحدي ولقيتك صديق هالك ولقيتك نجاه جوعي هناك .. قابل غناك .. عند الصليب لقيتك حب .. لقيتك قلب .. لقيتك رب .. لقيتك حي لقيتك من .. لقيتك ريّ .. لقيتك ليّ .. لقيتك حيّ أسرني حبك .. من يوم ما قابلتك .. عند الصليب
2- عند الصليب طرحت خوفي واترميت عند الصليب أنا كنت تايه واتلقيت قالّي عشانك قاسيت باسمك أنا مش ناسيك غطيت بدمي ماضيك برحمة أحسنت إليك جرحي هناك .. قابل شفاك .. عند الصليب إنت شلت قشور وزرعت النور مليتني شبع ومليتني سرور حولت النوح رنمت الروح جبرت الكسر ضمدت جروح أسرني حبك .. من يوم ما قابلتك .. عند الصليب

1- يا رب غناك يغطي حياتي فأنت السخي دواماً تجود
وأسمى العطاءِ كان في الصليبِ عطاءٌ غزيرٌ بغير حدود
فأنت الغني افتقرت لتُغني فقيراً ولكن بغير النقود
(فبوركتُ فيك ولي من غناكَ كنوزُ السماءِ و صدق الوعود)2
2- يا ربُ أعنّي لكي لا يكونَ أمام عطائك قلبي جَحود
بل حبك ليَّ يُرَدُّ صداه في قلبٍ يظلُ دواماً ودود
أمامَ الصليبِ آلامي تهونُ وشوكي قريباً سيغدو ورود
(لذاك سيدوي نشيدي وشدوي بأوتارِ قلبي وليسَ بعود)2
3- يا رب ستبقى لنفسي أميناً وعمري من الخيرِ ستُشبعُ
فقلبك يحنو وحبكَ يعفو تُباركني حتى لا يُوسعُ
إن يخورُ قلبي أو أضعُف يوماً ترثي لي في ضعفي ولي تشفعُ
(سأرجوكَ دوماً لأنكَ صرتَ نصيباً لنفسي لا يُنزع)2

1- ياللي حبيتني في بُعدي وأنا شريد ياللي حبيتني في جهلي وأنا عنيد
قلبي حاير ليه يا رب قبلتني هو حبك اللي بيه دوبتني
حبي كان للمنتهى من غير حدود حب يوصل للغريق يعبر سدود
حبي ليك وبغنى بالخير أجود أملأ عمرك راحة وسلام يسود
2- كل يوم عِشته في حياتي كان في ضياع بين ماضي واللي جاي ده كان صراع
قلبي من تقل الخطية كان حزين كنت بسأل م العذاب يرحمني مين
لاموا حبي للخطاة والعشارين وأنا جيت أداوي وأشفي المجروحين
وأنت منهم كنت رايح للهلاك بس حبي فاض لنفسك واحتواك
3- ياما كتير قررت أعيش طول عمري ليك دي صلاتي ساعدني أفضل ثابت فيك
اوعى تسمح إني أنسى أو أخون أو أشك في حب قلبك الحنون
وإن هاتضعف يوم وتنسى حبي ليك حضني يفضل ينتظر والعين عليك
راح أشيلك فوق كتافي وأمشي بيك هانسى ضعفك بس أنت مش ناسيك

1- زي النغم الخافت أهمس لما ألاقي في عيونك دموع
ليه يا حبيبي كده متألم؟ كل أنينك فوق مسموع
جربت قبلك وبارثي لضعفك أنا ليك الفادي يسوع
(ده انت عشان تتهنى معايا كان دمي الثمن المدفوع)2
2- يعز عليَّ أشوفك باكي لما تحس إن انت وحيد
تعال احكيلي وعمّق طلبك ياما حافظ لك من مواعيد
كله عشانك حسب إيمانك صدق كلامي وافرد إيد
(بكرة هاعوض كل دموعك فرح لا ينطق به ومجيد)2
3- أسند راسك هنا على صدري واسمع همسة حبي إليك
أنا نسجت خيوط حياتك أنا بحكمة باشكِّل فيك
داعيك باسمك غفرت إثمك بمهارة إيدي أنا باراعيك
(هاخلّي رجلك زى الأيائل ع المرتفع هافضل امشيك)2

1- بحبك عشان جروح الصليب بحبرك شفيتني من دائي العصيب سترت الخطايا غفرت الذنوب ( بحبك يا أعظم عطية ونصيب )2
2- بحبك عشان في يوم قلبي خان راح كورة بعيدة في ذل وهوان بحبك لأنك بكل حنان ( فرحت برجوعي وفتحت الأحضان )2
3- بحبك عشان ثياب الخلاص وبرك كساني وشلت القصاص بحبك عشان السما ميراث ( ولي في مشواري ملجأ ومناص )2
4- بحبك عشان بتملى الوجود ده خيرك يا سيدي مافيش له حدود أنرت الحياة أنرت الخلود ( جاي أركع قدامك وأقدم سجود )2