كاتي سمير (2 ترنيمة )

احكي لنا يا شجراية أحلى وأغلى حكاية
حكاية ميلاد ربي وإزاي النجماية
أرشدت المجوس لمكان القدوس
وهناك سجدوله قدموله هدايا
وكمان كان في رعاة شافوا في السما
ملايكة وأنوار وكمان سمعوا الآية
المجد لله في الأعالي وعلى الأرض السلام وبالناس المسرة
عيد ميلاد سعيد عيد ميلاد مجيد
وسنة جديدة سعيدة نبدأها بقلب جديد
قلب مليان نور وفرحة بيسوع
قلب كله محبة وتواضع وخضوع
طفل صغير طفل صغير ولد في مزود حقير
تاركًا مجده في السماء أتيًا لنا من أجل الفداء
مولودًا من العذراء مولودًا من العذراء
سبحوه سبحوه مجدوه وعظموه
جاء المخلص لبيت لحم
عيد ميلاد سعيد يا ربي لا ليك باقدك كل حبي لا
نفسي تتولد في قلبي لا وابتدي حياة جديدة لا
تبقى بيك حياة سعيدة تشبه السما المجيد
عيد ميلاد سعيد ياربي

1- لما بابا يطلع الشجرة وألاقي ماما بتحُط الزينة
بعرف إن الكريسماس قرب وأعرف إن العيد هايجينا
(وأفرح أفرح علشان هالبس لبس جديد
وها زور قرايبي وها نتفسح يوم العيد)2
(سانتا كلوز ها يجيبلي هدية وبابايا ها يديني عيدية
وها غني مع أصحابي أغنية وها نتبسط قوي أكيد)2
وها نتبسط قوي أكيد
2- ماما كانت جنبي معدية سمعتني راحت قايلالي
حاجة ماكنتش فيها بفكر حاجة ماجتش في يوم على بالي
(زي ما هافرح لازم أفرح غيري كمان
وإزاي أكل وأنا في غيري طفل جعان)2
(زي ما باخد لازم أدي المحتاج وإن كان على أدي
وأقدم له حاجة من عندي يفرح بيها في يوم العيد)2
يفرح بيها في يوم العيد
3- نفسي أقول ليسوع يوم عيده شكرًا ليك يا حبيبي يا فادي
زي ما جيت على الأرض فديتي راح أقدم لك قلبي هدية
(ساعدني يا يسوع إني أعمل وصاياك
وإني أعيش كل حياتي وعمري في رضاك)2
(وعشان تبقى حياتي سعيدة لازم أعمل حاجة مفيدة
و أبتدئ بيها سنة جديدة هو ده فعلاً معنى العيد )2
(هو ده فعلاً معنى العيد)3