مرنم عناني تودري (10 ترنيمة )

القرار - ارفعني الآن نحوك بالروح وبلمسة يدك
وبصوتك نادي لقلبي ولعيني تشاهد مجدك

1- اكشف عن عيني الآن وافتح عين الإيمان
لخلاصك أنا مستني أعني وحرك روحي بحبك
2- زوِّد فيَّ الإصرار لأكون لك ليل ونهار
متعبِّد لك بحياتي وصوتي وحبي يجاوب حبك
3- احفظني من الزلات والعالم والشهوات
والشر مقرَّب مني يلاقي الحصن لقلبي ده حبك

1- (أنا عارف إنك أقوى من ضعفي
أنا عارف إنك تقدر ترفعني
أنا لامس حُبَّك ربي بيقبلني
وبرغم شروري وفشلي بتُسترني)2

القرار- (أنا شايفك وانت بتحميني
أنا شايفك حارس حواليَّ
أنا لامسَك وانت بتهدِيني
وإيديك ماسكة بحب إيديَّ)2

2- (أنا عارف إنك مش ممكن تنسى
حتى لو لحظة ضاعت انت ما تقسى
قلبك مليان بالحب والرحمة
ما هو انت أبويا وربي والمَرسى)2
3- (أنا عارف إنك جالس يا شفيعي
بتحامي عني وتسندني في ضيقي
وأنا هافضل صابر ماشي في طريقي
ولحد ما تيجي تاخدني يا حبيبي)2

1-) ياما أخطأت يارب إليك لما حاولت لوحدي أرضيك)2
(لما رميت الحمل عليك لقيتك مادد ليَّ أيديك)2
القرار – (أحمل صليبي وأمشي وراك عند الجلجثة هاكون هناك
زيك حبيبي هاتبع خُطاك مش خايف من الموت مادُمت معاك)2
2-) ثابت فيَّ وثابت فيك عايش فيَّ وعايش فيك)2
(وعدك صادق واثق فيك ياللي ملكش في قلبي شريك)2
3- (موتك عنّي ده ردني ليك حبك ليَّ جذبني إليك)2
(وأنت شايلني في نن عينيك مهما هاعمل مش هاوفيك)2

1- (في البعد عنك قالوا إني عايش
وأنا كنت ميت ما أعرف حياة
من غيرك انت كان عمري ضايع
ولا كنت عارف إيه معناه)2

القرار- (انت الحياة انت الوجود
انت الإله ليك السجود)2

2- (هاعلِن وأنادي و بأعلى صوتي
إنك حياتي وانت الحبيب
انت اللي خليت للعمر معنى
انت دوايا وانت الطبيب )2
3- (من غيرك انت يستاهل
إني اديله عمري وانت شاريه
أنا قلبي ملكك ولا يمكن أبداً
ينسى اللي حَبّه وانت فاديه)2

القرار - (لسه الباب مفتوح ادخل ياللي بعيد
لو ضاعت الفرصة ندمك مش هايفيد)2

1- (عهد النعمة اليوم بينادي ارجع يلا يا كل بعيد
افرح ويا يسوع الفادي وفي الأبدية الفرح يزيد)2
2- (اللي هايقفل مش إنسان ممكن تترجاه يفتح لك
لا ده الرب الديان إيه عذرك ما هو ياما نده لك!)2
3- (ياللي بتسمع ولا بتقدر الكلمة وصوت التحذير
بكرة هاتصرخ ولا راح تقدر تهرب ده عذاب أبدي مرير)2

1- (سمعت يا رب صوتك ودعوة النعمة
وجاي حسب وعودك طالب الرحمة)2
2- (أنا ماستهلش رضاك ولا حتى إحسانك
لكني جاي ونادم عشمان في غفرانك)2
3- (يارب مد إيديك حررني من ذاتي
أنا بارمي حملي عليك نسّيني زلاتي)2
4- (من غيرك أنا مش قادر أطوي الماضي وأنساه
وكل ما حاول أبعد يشد قلبي نداه)2
5- (خلاص يا ربي ناوي إني أعيش في النور
وفي ألمي حبك يداوي ويجَبَّر الكسور)2
6- (ولحد يوم لقاك سهران ومستنيك
وإن يوم بعدت عنك يا ربي شدني ليك)2

1- (انت بترعَى وانت تصون بحب دايماً مش بتخون
ومهما كان فيه من مصاعب وحدك فوق الكل غالب)2

القرار- شكراً ليك على كل صعب في حياتي انت سمحت بيه
انت الأب وانت الرب الكل ليك خاضع
شكراً ليك على كل صعب في حياتي انت سمحت بيه
انت الأب وانت الرب انت اللي صنعت وانت اللي أمرت

2- (باحط نفسي بين إيديك شكّلني وأنا خاضع ليك
عايزك في حياتي تبان واعيش كما يرضيك)2
3- (الشر حوالينا ظاهر كدب وخداع وحب مظاهر
احفظنا في اسمك لا يتعبنا ما هو انت الرب و انت اللي قادر)2