مرنم ماجد شفيق (8 ترنيمة )

1- (انت رفيقي في طول رحلتي
ترشد طريقي تقود خطوتي)2
القرار- أنا مش وحيد انت معايا
انت السنيد فيك الكفاية
2- (شمسي في نهاري فيك الشفا
وفي برد ليلي حضنك دفا)2
3- (كل ما فيَّ طالب رضاك
كل ما ليَّ سايبه معاك)2

1- (وقت لما تكون صعابي .. حاجبة عن عيني السماء
وألقى نفسي في اضطرابي .. بين حقائق مؤلمة)٢
(انت وحدك تستطيع يا يسوع .. تيجي وتفيض بالسلام
انت يا حصني المنيع يا يسوع .. أقوى من الخوف والظلام)٢
أقوى من الخوف والظلام
2- (وقت لما تكون جبالي .. واقفة ضدي بمستحيل
والشكوك تنهش في بالي .. مين يشيل حملي التقيل؟)٢
(انت وحدك تستطيع يا يسوع .. تيجي تنقل الجبال
انت يا حصني المنيع يا يسوع .. كلمتك فوق المُحال)٢
كلمتك فوق المُحال
3- (وقت لما السهل يصعب .. والحاجات تطرح فشل
لما وعد الناس بيهرب .. والعمل خاب والأمل)٢
(انت وحدك تستطيع يا يسوع .. ترد جوايا اللي ضاع
واللي يصعب على الجميع يا يسوع .. يبقى عندك مُستطاع)٢
يبقى عندك مُستطاع

(عايز أحمل نيرك على كتفي وإنت وعدت النعمة هاتِكْفي
وتكون أيَّامي هنا لمجدك ولحد ما تيجي أنا هأعيش لك)2

(يا يسوع ياللي إنت شلت شيلتي من زمان
وحملت صليبي وقبلت الهوان
يسوى إيه عمري من غيرك؟ نبضات قلبي من خيرك
عايز أستثمر عمري لملكوتك)2

(خلِّيني أكون حبِّة حنطة أنا أختفي وتزيد إنت
وجذوري تكون ثابتة قويَّة شجرة مغروسة ع الميَّاه)2

(يا يسوع خلِّيني غصن فيك يحمل ثمار
ولا يوم يُنزَع أو يترمي في النَّار
شوقي أتمِّم مشيئتك والنَّاس تعرف حقيقتك
عَيِّشني لأهدافك السَّماويَّة)2

يا يسوع ياللي إنت شلت شيلتي من زمان
وحملت صليبي وقبلت الهوان
يسوى إيه عمري من غيرك؟ نبضات قلبي من خيرك
(عايز أستثمر عمري لملكوتك)2

1- (لمسة شفاء.. لمسة حياة
تلمسني بإيدك.. ده انت الإله
أنا عندي إيمان.. تشفيني الآن
لو هالمس توبك.. ما انت الحنان)2

القرار- (اشفيني.. من كل ضعف فيَّ
اشفيني.. من الشهوة ومن الخطية
اشفيني.. محتاجلك يا فاديَّ
اشفيني.. اشفيني .. اشفيني)2

٢- (جايلك بذنوب.. ندمان وباتوب
طالب غفرانك.. بدم المصلوب
هامسك في إيديك.. وهاصدق فيك
يا يسوع اشفيني.. أنا راجـــع ليك)2

(1) (أيامنا ع الأرض ظل عايزين نحياها بأمانة
لا نخونك ولا يوم نضل وملامحك توضح جوانا)2

القرار- (خلينا أُمنا في كل أمر في حياتنا ولآخر العمر)2
(نقول أمين لكل آمر تآمرنا بيه حتى إن كان مر)2

(2) (ثبت في طريقك رجلينا نسينا الركب المرتعشة
إسندنا وشدد أيادينا أرواحنا تهلل منتعشة)2

(3) (ساعدنا نهرب من الفساد والشهوات اللي بتغرينا
وإن ضغط العالم يوم زاد نجري لأحضانك يا فادينا)2

القرار- [(غالي عليك ربي أنا غالي عليك)2
وغلاوتي مش فيَّ دي محبتك ليَّ
حطتني جوة قلبك و شلتني في عينيك .. غالي عليك]2

1- رغم اني قليل في عينيََ و ضعيف قدام أي خطية
وشعوري بالذنب ماليني وحياتي فاترة ومطفيّه
(والماضي عمَّال يطاردني والناس حواليَّ بتبغضني)2
وما فيش حاجة تسُر القلب لكن ثقتي في حبك ليَّ .. ده أنا غالي عليك
2- رغم إني عاهدتك أرجع لك لكني ما عدتش أنفع لك
ده ما في شئ صالح فيَّ ومؤكد في جهنم هاهلك
(لا اديتك فرصة تكلمني ولا في ظروفي الصعبة هاممني)2
مع ان الموت قرَّب مني كان هياخدني ويقضي عليَّ .. ده أنا غالي عليك
3- لكن صوتك جه و فوَّقني والليلة أنا راجع صدقني
لحظة تاني بدونك لا تعال لي ومن شري أعتقني
(اخلق فيَّ قلب جديد وارمي الماضي عني بعيد)2
أنا من الليله واحد تاني والجاي معاك فرحة وعيد .. ده أنا غالي عليك

(1) (كام مرة قولت هبدأ بجد وأعيش معاك
كام مرة خدت قرار أكون لك وأتبع خُطاك)2
(كام مرة بعتك بخطية ومشيت وحيد
كام مرة مره قضيتها عنك بعيد)2

القرار (وأنا جاي وكُلي خجل وشوق
مشتاق لحضنك
مسنود على وعدك ومحبتك
لأني ابنك)2

(2) (كنت غلطان لما افتكرت اني اللي بقدر
أعيش حياتي بقوتي وقعدت أجرب)2
(إزاي مقعش ف شهوتي وأغلب عاداتي
ولقيت خطيتي بتشدني لأسوأ حالاتي)2

(3) (يا يسوع بكلمة ابني فيا اللي أتهدم
ما انت اللي وحدك تقدر تخلق م العدم)2
(أنت اللي فيك قوتي ومعاك حياة
قادر أخطي بخطوتك وأشوف السما)4

١- (صوته لسه بينده من سنين تعالوا إليَّ يا كل المتعبين)٢
(لو تعبان عنده الشفا لأي جرح وأي داء
وإن ضاع حلمك يوم وتاه هاتلاقى نجاة
لو يأسان من نفسك روح قوله يا أبويا أنا عندي جروح
مستنيك تيجي وبالروح تديني حياة)٢

القرار- (هو مريح التعابى والناس الغلابة
بيحوّل الكآبة لأغاني وأفراح)٢

2- (صوته لسه بينده من زمان مين محتاج لسلام محتاج لأمان)٢
(لو تايه مش لاقي طريق كل حياتك هم وضيق
وسط بحور الدنيا غريق في تعب وسراب
لو بتدور من سنين على أفراح بدل الأنين
لو نفسك متكونش حزين افتحله الباب)٢