مرنم أكمل حنا (52 ترنيمة )

القرار - لأنه تعلق بي أنجيه
أُرفّعه لأنه عرف اسمي
يدعوني فأنا أستجيب له
في الشدة أنقذه وأمجده

1-(جريت عليك سلمت لك أمري)2
وعرفت معاك أجمل سنين عمري
2-(ياللي أمامك كل خطاويَّ)2
أنا هامشي وراك واثق في راعيَّ
3-(وقت الآلام شايفك هنا جنبي)2
ترفعني إيديك بحنان يطيب قلبي
3-(أنا فرحي فيك ثابت يا فادي)2
ضامن في حماك أمجاد كتير جاية

القرار –(حنّان يسوع ينسى الآسية وقلبه كبير
منّان يسوع فضله عليَّ وخيره كتير)2

1-شايفك وعارفك ومصدق إن في إيديك كل حياتي
حواليَّ كل الكون ينطق (حبك بيرعاني يوماتي)2
2-أتمنى أعيش لك من قلبي لكن في طبعي ضعيف خوّان
رغم العهود بانكر حبي (وأرجع تاخدني بالأحضان)2
3-لحد امتى هاجرح فيك وأنت اللي شِلت ذنوبي بالصليب
إديني قوة عشان أرضيك ده (منايا أكون لك أوفى حبيب)2

1-(باراباس كيف تحيا والموت كان مصيرك؟
تمشي بين الناس حراً مَن أزال قيودك ؟)2
(شخصٌ اسمه يسوع مات كي أحيا أنا
هو فتىً بارٌ بديع ليس مثلي مجرماً)2

القرار – (باراباس كُلنا مثلك كغنم ضللنا طريقنا
وهو مجروحٌ لأجل معاصينا مسحوقٌ لأجل آثامنا)2

2-(باراباس كيف تأمن والخوف كان طريقك؟
بل أراك اليوم فَرِحَاً مَن حَمل أحزانك؟)2
(سدد ديني يسوع رفع رأسي عالياً
دم ذاك الحمل الوديع كان ثمناً غالياً)2

القرار - حكوا لي الناس الطيبين ع الخل أبو القلب الحنين
قالوا لي عنه حكاوي كتير تسحر الألباب وتفتن

1- (قُلت أنا هايعيني مين والجبال أتعابي توزن؟)2
(قالوا لي لو حملك تقيل هو للأحمال يهَوِّن)2
2- (دُوْرت على كل القلوب بس مين باب قلبه يفتح؟)2
(قالوا لي لو حزنك دفين حضنه مفتوح ليك يِفرَّح)2
3- (قُلت أنا يشفيني مين من آلام قلبي المِجرّح؟)2
(قالوا لي لو ذنبك مُهين هو وحده في إيده يصفح)2

القرار - أرد إيه ولا إيه ولا إيه ولا إيه؟
وأجيب منين الكلام اللي أشكر بيه؟

1-(اللي حبني وأنا خاطي .. اللي يِخلِص مهما أخون
اللي عينه عليَّ يوماتي .. اللي قلبه تملّي حنون)2
2-(اللي يغفر زلاتي .. ينسى قسوة قلبي سنين
اللي نوّر كل حياتي .. اللي فرَّح قلب حزين)2
3- (اللي يستر ضعفاتي .. اللي رفعني أنا المديون
اللي فوق الكف نقشني .. اللي شالني جوة العين)2

1-(مع شعاع الفجر أشوفك
يملا كل الكون جمالك
يتملي القلب بسلامك
ألقى نفسي عايز أغني)2

القرار- أغني حبك حبك أسرني
أغني عطفك عطفك غمرني
أغني بحنانك أغني بجمالك أغني
أغني اسمك يا يسوع أغني

2-(تتكسي الوديان دهب
تنحي الأغصان لمجدك
يهتف الإنسان بحمدك
ألقى نفسي عايز أغني)2
3-(برق وفي صوت الرعود
تعلن إنك يوم تعود
تنحني النفس بسجود
ألقى نفسي عايز أغني)2
4-(لو في ليلة رفعت عيني
تُهت في نجوم الليالي
وقتها يبان ضعف حالي
ألقى نفسي عايز أغني)2