سنه أولى (10 ترنيمة )

القرار- سنة أولى عصاية ومشاية
وعصاية وعكاز القبر
سنة تانية بنستنى هدايا
وعطايا وسلام في القلب
سنة تالتة ورابعة وخمسين
بالحب اتعلمنا نحب

1- (غربة طويلة و مش هاتدوم
بنقرب ليك يوم ورا يوم)2
طول ما ايدينا في يد فادينا
تبقى سنين الغربة نعيم

2- (انت في وقت الشدة معين
وانت في وقت الضعف أمين)2
وانت في يوم الصعب تهوّن
دة انت حنين ع الخاطئين

3- (ياللي سلام النفس رضاك
حبك لينا حياة في سماك)2
انت طريقنا وانت غايتنا
حلوة حياتنا يارب معاك

القرار- يارب بارك في السنة الحلوة الجديدة
خلّي الثمر يرمي بغنى أعمال مجيدة
(يا رب بارك في السنة)3 الحلوة الجديدة

1-(السنة دي خلاص بتخلص
وأنا في الحساب محتار
عمري زاد ولا بينقص
بالسنين ولا الثمار)2

2-(نفسي أرمي الحب حبة
وأروي خير طول السنة
نفسي أكبر في المحبة
ونفسي أصغر في الأنا)2

3-(نفسي أكبر في الإيمان
نفسي أبطّل خوف كمان
نفسي أحكم ع الجسد
وأطلق الروح للعنان)2

4-(يوم ما تدّي حساب وكالتك
مش بأوراق النتيجة
يتوزن بالحب قلبك
وقتها تبان النتيجة)2

1-في ليل شتا بردان والشعب سالك في الظلام له زمان
يطلع عليه النور يملا الوجود ألحان
مريم يا أم النور جالك الملاك بشرك بسرور
ابنك يا عدرا يكون ابن الله الديّان

القرار- جانا اليوم الموعود جانا حسب الوعود
جانا الفادي المعبود يسبي القلوب ويسود
جانا يا هنانا جانا يسوع مولود
نوّر دنيانا ياللي هزمت الموت

2-يا فرحة الإنسان يوم ما رآه الإله تعبان
وبنفسه جاء يرفع من الهم والأحزان
من بعد توهة سنين وآلام وذل وغيوم وأنين
ومين يحرر مين غير ربنا الحنّان

3-مزود حقير غلبان وانت رضيت فيه تتولد إنسان
وتنوره بنورك وتباركه يا حنّان
قلبي كمان حيران ومُنايا تيجي وتتولد جواه
وتنوره بنورك تملاه فرح وأمان

1-وسط الغيوم تايه أنا وحيران
ضاع الطريق مني وضاع الأمان
ماشي وحيد و بجر في قيودي
في طريق طويل الضلمة فيه سجّان

القرار- (يا قلوب يا متألمة شقى وحرمان
ده حضن يسوع الدافئ أحلى مكان)2

2-كسّر قيودي و رجّع الأفراح
و بإيده عدَّاني وادي الجراح
وفي لحظة شُفت الشمس هرب اليأس
و رَق قلبي للمسة فيها حنان

3-ولقيت في أحضانه راحة وأمان
وياه طريق العمر صار بُستان
وعاهدته أعلن حبه بين الناس
هو اللي يهدي في الآلام ألحان

1-في قلب الليل وليلي طويل وجسدي عليل مجافيني
في ضعفي سجين وباشكي يا مين هنا يجيني يعزيني
(دعيت ربي يزيل كربي يشيل ذنبي ويشفيني
ضرب في القلب نبض الحب شعاع من نور يدفيني)2

القرار- وفي عز يأسي ومحنتي لقيت كلامك فرحتي
غرفة ضلام رغم الألم صوتك بيمسح دمعتي
وتقول لي تكفيك نعمتي في الضعف تكمل قوتي
وبقيت رفيقي بطول طريقي حليت مرارة رحلتي

2-شراب المُر هوان الحُر ومدة إيده للإنسان
وعصرة قلب يشوف القبر صغار في عينهم الحرمان
(دعيت يا كريم ما تسمح يوم يبات ابنك في ليلة جعان
لمست فؤادي بقيت راضي شعاع من نور منحني أمان)2

3-عيشت وشوفت ويومها خوفت من الناس اللي صاروا ديابة
ودايرين ينهشوا الحملان في دنيا أصبحت غابة
(طريق الخوف طريق محفوف بذل وضعف وكآبة
ولينا يا رب غيرك مين نصير ومعين الغلابة)2

1-أنا لحبيبي وحبيبي لي
الراعي بين السوسنِ
شماله تحت رأسي
ويمينه تعانقني

2-افتحي يا أختي يا حبيبتي
افتحي لي يا كاملتي
لأن رأسي أمتلأت من الطل
وقصصي من ندى اليل

3-هاصوت حبيبي يناديني
والنوم يداعب أجفاني
بابي موصود والليل جحود
والقلب جمود وتواني

4-قومي يا حبيبتي يا جميلتي
قومي يا حبيبتي وتعالِ
أريني وجهك في جماله
اسمعيني صوتك الغالي

5-أنا سوداء إذا رأيتني
ف شمس التجارب لوّحتني
وجراح طريقي أزالت بريقي
لماذا صديقي بيَّ تعتني

6-أنتِ جميلة يا حبيبتي
هلمي معي واشبعي بحُبي
جميلة كالقمر طاهرة كالشمس
هلمي معي يا من سبيتِ قلبي

7-ها قد فتحت بابي لكن حبيبي
تحول وعبر يا لحيرتي
الندم مرير والبحث عسير
قُل أين تسير في الظهيرة

8-حبيبي هو فتى كالأرز
أبرع جمالاً من الخلق
تحت ظله أشتهيت أن أجلس
وثمرته حلوة لحلقي

9-أنا وجدت من تحبه نفسي
فأمسكته ولم أرخه
اجذبني وراءك فنجري
أنا لحبيبي وهو يشتاق لي

10- حولي عينيك عني
فإنهما قد غلبتاني
ما أجملك وقد صرتي لي
لا عيب بكِ

1-ياللي سارقاك الحياة وبريقها ألوان تخدعك
يوم ترفعك وتشبعك يوم توجعك وتجوعك
يا دنيا ماكانش العشم دايماً غرورة وكدابة
متعة ندم ثروة عدم زي السواقي القلّابة

القرار- آه يا زمن ما أسرعك وقت الحنان ما أخدعك
آه زمن ما أطولك وقت العناء ما أتقلك
آه يا زمان ما أخدعك ما أخدعك

2-فوق يا صاحبي وخلّي بالك الدنيا دي مش باقية لك
دوامة ساحباك على الهلاك قوم منها واهرب لحياتك
وأوعى تنسى إنك غريب وليك وطن في الدار وحبيب
وكل يوم من غير حبيبك عمر ضايع محسوب عليك

3-ياللي سامع صوت نِداه ليه تقسّي القلب ليه
دي فرصة نادرة في الحياة شوف جمال الوعد إيه
صوت ربنا بيأمر جميع الناس في كل مكان يتوبوا
واللي بقلبه الآن يطيع هينسى كل ماضيه وذنوبه

1-(مع شعاع الفجر أشوفك
يملا كل الكون جمالك
يتملي القلب بسلامك
ألقى نفسي عايز أغني)2

القرار- أغني حبك حبك أسرني
أغني عطفك عطفك غمرني
أغني بحنانك أغني بجمالك أغني
أغني اسمك يا يسوع أغني

2-(تتكسي الوديان دهب
تنحي الأغصان لمجدك
يهتف الإنسان بحمدك
ألقى نفسي عايز أغني)2
3-(برق وفي صوت الرعود
تعلن إنك يوم تعود
تنحني النفس بسجود
ألقى نفسي عايز أغني)2
4-(لو في ليلة رفعت عيني
تُهت في نجوم الليالي
وقتها يبان ضعف حالي
ألقى نفسي عايز أغني)2

1-قول لي شكوتك أصل الكلام
لو تشكيه يطفي نار تقيد
علّي صلوتك لو في الكلام
دعوة سلام اصرخ وعيد

2-كلمتك ممكن تكون نقطة ندى
تنزل على قلبي اللي عطشان يرتوي
وكتير أوي الكلمة تسيب جمرة لهيب
تنزل على قلبي الرقيق يتكوي

3-دوّر يا صاحبي في قلبك الصامت سنين
على كلمة حلوة تصحي فيه نبض الأنين
دوّر ونادي في عتمة الليل على البريء
كسّر وزيل قلب الحجر تلقاه رقيق
حفّر ينابيعك وفجّر الإحساس
وشق صخر القسوة للأشواق طريق

4- نفسي نتحاور ونتكلم بود
لما أسأل ألقى عندك أحلى رد
لما تطلب قلبي مش ممكن يصد
لو نخاف على بعضنا قلبي أرتاح بجد
يلا نسبق عمرنا لو ننسى لحظة نفسنا
نشعر أنين الآخرين ما نقولش في الأول أنا
يحلى الزمان من حولنا
نلقى الحياة فردوس هنا
لو نزرع الكلمة محبة وحبة حبة
يطرح سلام نجنيه فرحنا

القرار- ورا كل باب حكاوي عجب
جوة البيوت قلوب من دهب
قلوب من حجر قلوب من خشب

1-القلوب زي المساكن قلب فيه بالحزن ساكن
قلب فيه للخوف أماكن والفرح زايل وطاير
زي حلم جميل ويخلص يتركك من بعده حاير
امتى نفرح من قوبنا؟ امتى تنسانا الهموم؟
نلغي بكرة من حسابنا فجرنا يشق الغيوم
امتى هتزهر بيوتنا؟ حلمنا المبتور يقوم

2-لما الحنان فوق البيبان دقدق فجر السلام على الأنام شقشق
نبت الغيطان قبل الآوان ورّق دمع الفرح جوة العيون رقرق
لو في يوم نفتح قلوبنا لما نسمع دقته يومها نفرح من قلوبنا لما نلمح بسمته
يوم ما نستقبل حبيبنا ننسى وياه الهموم لما يبقى في قلوبنا (حلمنا الموعود يدوم)2