مرنم وحيد عازر (11 ترنيمة )

1- (ياللي فيك شُفت الحياة ياللي حبك طوق نجاة
ياللي ليَّ رب وإله أنا ليك عايش ببرك)2

القرار - أنا بيك أنا ليك أنا بيك باحيا و باتحرك
أنا بيك أنا ليك أنا ليك باحيا وباتحرك

2- (عني انت مش بعيد ولما أزِل تمد الإيد
ترفعني وتقولي عود لقداستك وسيب شرك)2

1- (علمني ازاي احب عدوي زي صديقي
أرجوك اديني قلب ينور ليَّ طريقي)2

القرار - اديني قلب يحب .. اديني .. اديني قلب يحب

2- (علمني ازاي احب فعلاً حب حقيقي
وأنسى هموم القلب وخوفي وخزيي وضيقي)2
3- (علمني ازاي احب زيك يسوع حبيبي
اديني قوة يارب علشان أحمل صليبي)2

1- مش راح أسيبك من تاني مهما كنت يا ربي باعاني
ولا هاقبل ضعفي وحيرتي دي صرخة إيماني
ولا إنسان ولا شيطان يقدر ينزع مني سلامي
مجد البيت التاني أعظم من البيت الأولاني
2- يا مسيحي واسمي وعنواني يا ملاذي ومجدي وأيامي
أنا قلبي بيسجد وبيعبد وبيرفع ليك ألحاني
ولا أفكاري ولا أحزاني تقدر تكسر فيَّ إيماني
وإنت نوري وكل سروري وفي قلبك بقى لي مكاني
3- مش ممكن هارجع من تاني زي النسر باطير بجناحي
عارف إن في حضنك بيتي شايف إن إيديك سانداني
ولا أحلامي ولا أوهامي تقدر تسرق مني خلاصي
إنت غايتي وكل كفايتي وإنت العمر بيستناني

القرار - من نهر النعمة بتروينا وفي ظل جناحك تحمينا
تشبعنا وفرة وتفرحنا تحفظنا ونورك يهدينا

1- يا أبونا أوقاتنا في يدك أيامنا وليالينا الجاية
متباركة ومضمونة بوعدك محفوظة بمجدك محمية
امبارح واليوم ده وبكرة مش ممكن تنسى وتهملنا
دي كفايتك واقع مش فكرة ووعودك صادقة بتحملنا
2- بصلاحك تغمر أيامنا يا إلهي يا الصالح وبحبك
الماضي كمان مستقبلنا الكل هايشهد عن قربك
راح تفضل صادق وأمانتك مش ممكن تنقص ولا تفتر
لا تتغير ولا تنكر نفسك ومراحمك تفضل وبتكبر

القرار - وسط التعب والأخطار قلوبنا تبقى فرحانة
ما بنزعل لو مهما صار عندنا أقوى ضمانة

1- (لما بتجينا الصعاب نلتجئ لأبا الآب
هو بيعطينا الجواب و يفرجينا العالم)2
وسط التعب والأخطار قلوبنا تبقى فرحانة
2- (لما بيتركنا الأصحاب ويتخلى عنا الأحباب
بيجينا رب الأرباب هو مثال الأمانة)2
وسط التعب والأخطار قلوبنا تبقى فرحانة
3- (وسط الحزن والدموع تيجي من أعلى الربوع
حبيبي اللي اسمه يسوع في طبيعته الإنسانة)2
وسط التعب والأخطار قلوبنا تبقى فرحانة

القرار - طالع من مصر طالع بالنصر طالع وباعيد في الأفلام
نطلع كاملين نطلع غالبين لا نسيب أخ ولا أخت هناك
ما في ظلام في السما بل في فرح وهنا
ما في آلام في السما خطايايا انطرحت من هنا

1- علشان كده أنا طالع فرحان عندي البرهان رايح أعبد ربي في مجد معاه
فرحي وياه وذبايحي معاي ولا هاترك ظلف مواشي هناك
2- علشان كده أنا طالع هيمان خدت الغفران طالع والعالم سايبه ورايا
طالعين واثقين بإيمان شايفين ده يسوع لينا وإحنا الغالبين

القرار – يا رب يا منوَّر نوَّر كمان وكمان في حياة بتتغير بالنعمة والإيمان
والضعف بتصير قوة في إيد إنسان وفي قلب متحير تخلق سلام وأمان

1- ياما تركت النور ومشيت ورا الدنيا بصيت حياتي فتور أمال فين الدنيا
دنيا ما فيها سرور الفرحة بالثانية دنيا عليها شرور أكوام ورا التانية
لازم لربي أعود يملاني زي زمان
2- يا رب ليك محتاج زي زمان وأكتر محتاج تشيل أوتاد من قلب بيدبر
والراس عليها جبال والعقل بيفكر وعواصف الأمواج تهدى وتتأخر
لازم يا رب تعود تملاني زي زمان

1- ربي قلبي بعده على وعدك ناطر رغم الحزن والضيق أنا صابر
تيجيني في يوم والقلب يفرح ولآخر اليوم أنا ساهر

القرار - غربتنا يا ربي طالت وقلوبنا يا ربي اشتاقت
طولت علينا يا ربي ونفوسنا لمجدك تاقت

2- روح قدسك فينا يعزينا ووعودك لينا بتحيينا
عن حبك ما نرجع أبداً رغم كل ما يلاقينا
3- نسهر ونصلي ننتظرك تيجينا وتتم وعدك
يا فرحة قلبي وهنايا ساعة ما نشوفك ونقابلك
4- نحسب أيامنا وليالينا نستنى إمتى هاتجينا
هتاف وترنيم يصعد لك والسما راح تفرح بينا

القرار - (داري بيَّ وعارف كل أحوالي وشايف كل ظروفي
بتحن عليَّ وبتشجعني في ضعفي وخوفي)2

1- (انت اللي باقي لي في الدنيا حبيب انت اللي في قلبي بنصر عجيب
في نهاري وليلي حبك ما يغيب .. في نهاري وليلي حبك ما يغيب)2
2- (انت اللي شفيت من قلبي جراحه ومعاك نسي همه وأحزانه
من يومها مضيت بدماك أفراحه .. من يومها مضيت بدماك أفراحه)2
3- (انت اللي كسرت الموت جوايا انت اللي اديت لحياتي دوايا
انت اللي رسمت طريق لسمايا .. انت اللي رسمت طريق لسمايا)2

1- مابقاش الحب يكفي مابقاش الصدق يوفي
وفي عيني الدمعة تجري يا دنيا عايز أبكي
ودعت العالم وغرامه ودعته بأهله وبجراحه
وأنا كنت العايش في أحضانه ما لقتني باحب إلا مراره
2- يا حبيبي يا أحلى غرام ويا مصدر كل سلام
خليني كلمة بتعلى وبتعلى فوق الأوهام
وبتحكي أحلى كلام وبتشفي كل آلالام
وتغني مع الأيام وتعدي فوق الأحلام
3- وهاسيب الدنيا بحالها لا أنا منها ولا سكانها
وتروح الأرض بمالها وهايفضل بس خالقها
وأنا هافرح باللي شراني دي الدنيا مش سايعاني
وبلمسة واحدة شفاني دي السما كلها علشاني