فريق رياضة وبطولة (11 ترنيمة )

القرار – (يسوعي هو نور العالم وأنا ماشي وراه
عمري ما أكون في ضلمة أبداً ده أنا عايش في حماه)2

1- (دايماً أنا واثق في يسوع إنه إله صالح
عينه عليَّ بكرة وبعده زي ما كان إمبارح)2
2- (يسوعي هو إله أمين وعارف احتياجاتي
يديني على أد غناه أكتر من طلباتي)2

1-(انت باسمي اخترتني ابن ليك بتحبني
وعلى قلبك أنا غالي وفي حضنك بتضمني)2
القرار –(من قبل العالم ما يكون أنا كنت موجود في بالك
وعشانك الكل يهون دهأنا عايش عشانك)2
2-(كل أفكارك ليَّ سلام رحمة وخير كل الأيام
وفي وقت الصعب شايفك جنبي سهران عليَّ ومش بتنام)2

إن اعترفنا بخطايانا فهو أمينٌ وعادلٌ
حتى يغفر لنا خطايانا و يطهرنا من كل إثمٍ
دم يسوع المسيح يطهرنا)3 يطهر من كل خطيةٍ)

1-(يمكن أكون في بيتي صغير وسط صحابي أنا القصير
عند يسوع غالي ومهم أيوه دي فعلاً حاجة تحير)2
القرار –(شعر راسي هو عادة أنا فارق معاه
طويل قصير تخين رفيع مش فارقه معاه)2
2- (زي ما أنا عنده مهم هو كمان عندي الأهم
أعمل اللي يبسط قلبه ومافيش حاجة تاني أهم)2

القرار - أبطال احنا الأبطال أبطال بيسوع احنا أبطال

1- (هانغيَّر احنا عالمنا ..مين هايقف قدامنا؟
بيسوع هانحَقق أحلامنا ده احنا فيه أبطال)2
2- (نتحدى وبكل رجولة.. في السكة نخسر معقولة!
ده يسوع ده ضمان البطولة ده احنا فيه أبطال)2

(مش هايغلبني)3 أبداً الشر مش هايغلبني)2
(لكن هاغلبه بالخير هاغلبه دايماً بالخير
لكن هاغلبه بالخير هاغلب الشر دايماً بالخير)2

1- أنا باعرف أعزف وانت بتعرف ترسم
وانتِ خطك جميل وانت شاطر في التمثيل
(كل واحد فينا عنده حاجات جميلة)2
كلنا بنكمل بعض وبنعمل حاجات كتيرة

القرار – (احنا فريق واحد هدفنا نمجد يسوع
مختلفين لكن وحدتنا مافيهاش رجوع)2
(كلنا بنحب بعض و لقائدنا فيه خضوع)2

2- كمان وقت اللعب فريقنا إيد واحدة
كلنا هدفنا الفوز بيننا حب ووحدة
(واللي جاب الجون زي اللي اداله الكورة)2
كلنا بنكمِّل بعض فرحتنا ببعض موجودة

1-ممكن أخدم يسوعي بحاجات كتير
أحب وأدي الفقراء من غير تعيير
ممكن أساعد أو أشجع مع إني مش كبير
2-طول يوم أنا هاخدم دايماً ربي يسوع
أرسم أمثل أعزف أسبح بصوت مسموع
مش عايز أظهر وأتمنظر هدفي أمجد يسوع
3-يارب ساعدني أخدم خدمة تليق بيك
مش بس بفكري لكن عيني عليك
ممكن أغلط وأتلخبط لكن قلبي ده ليك

(عمر التلميذ ما يكون أحسن من أستاذه
لكن هايبقى بالتدريب يشبه لأستاذه)2
(وعشان كده هاتدرب وعمري ما استسلم
حتى لو هاتألم من يسوع هاتعلم)2

القرار - أنا بانتمي لعيلة
كبيرة وقائدنا هو يسوع
وبحب الكل ومافيش غيرة
هامشي وراه من غير رجوع
1- باصص عليه طول الأيام
هاسمع كلامه بالتمام
مهما الشيطان حدف سهام
حضن يسوعي فيه سلام
(أنا بانتمي)3 ليسوع
2- ده يسوع وصاني أحب الناس
حبه يكون هو الأساس
وأروح أنادي بكل حماس
إنه يسوع عنده الخلاص
(أنا بانتمي)3 ليسوع