مرنم صموئيل لطيف (11 ترنيمة )

1- افتح يارب عيون شعبك.. يشوفك انت ويسمع لك
تغفر خطاياه ويرجع لك.. و ع الخطايا يدوس
وإن كان في وسطينا حرام.. قدام عدونا انهزام
اكشف لنا فين هو عخان؟.. واحفظنا من اللصوص

القرار- يا عالي يا قدوس.. يا خالق النفوس
شعبك هنا واقف أمامك.. جايين بهيبة قدام جلالك
يا عالـــــي يا قــــــدوس

2- بالدم شعبك اتقدِّس.. عمل صليبك يا مخلّص
واحنا جينا لك نتخصّص.. شعب المسيح مفروز
وعشان كلامك انت الحق.. وغير كلامك ماهوش حق
هانرفضه و نقوله لأ.. وبالوصــــايـــا نلــــوذ
3- جايين غرضنا تشكلّنا.. ما هو احنا عملك يا جابلنا
إناء كرامة هاتعملنا.. بروحـــــك القـــــدوس
ونعيش عشان نخدم شخصك.. مجد وكرامة تكون لاسمك
شباب كتير يتكرَّس لك.. ويصير معاك محظوظ
4- بيوت عبيدك تحفظها.. تمدّ إيدك وتصونها
صوت الترنُّم يغمرها.. تيجي بحضور ملموس
مافيش مثيلك يا غالب.. تصنع لشعبك عجايب
وتحفظه في التجارب.. وإبليس يعود مفروس
5- فضّينا منها أيادينا.. لا تخصّنا ولا هيش لينا
بالتقوى وقداسة السيرة.. ماهيش غنى وفلوس
ولا احنا هانكلبش فيها.. وطأة قدم بنعديها
لكن قلوبنا ما تبغيها.. عابرين بعزم ندوس

1- (ما أقدرش أعيشها إلا لما
رضاك يكون لي فيها الهوا
أتنفسه ويحيا قلبي
زي اللي عطشان وأرتوى)2

القرار- (هي الحياة من غير وجودك
جوة قلبي تسوى إيه
ما هي الحياة أصلًا بجودك
وخيرك اللي مغرقني فيه)2

2-(ما أعرفش أعيشها باللي عرفته
من رحلتي جوة طريقها
ده كل يوم فيها الجديد
مش عارفه غير اللي خالقها)2
3-(مش عايز أعيشها مسلوب إرادة
زي ورقة في وسط ريح
تاخد قراري وأرضى وأسلم
ولا حتى قادر أصرخ وأصيح)2
4-(أنا عايز أعيشها خدامك أنت
ويوم مجيئك أشتهي
أصل اللي باقي فيها يا دوب
أيام قليلة وتنتهي)2

القرار- (خدني في حضنك طمني
أسمع نبض الحب في قلبي
ضمني أكتر ناحية قلبك
أنا محتاج لحضنك ربي)2

1-(خدني في حضنك خليني
أعرف قصدك في حياتي
والصورة اللي في قلبك ليَّ
تظهر ربي في صفاتي)2
2-(خدني في حضنك واملاني
من نبع الحب الصافي
أرجع أحب الناس تاني
وأعلن حبك الكافي)2
3-(خدني في حضنك واشفيني
من كل جروح جوايا
وبجراحاتك اسبيني
ربي يسوع أنت دوايَّ)2

القرار- (سر البركة يارب حضورك
والأيام تشهد عن جودك)2
صالح انت في كل طرقك
(وحياتنا بركتها وجودك)2

1- (لما الخمر خلص من العُرس
والقلوب مَلاها اليأس)2
حوِّلت الميه إلى خمر
(وانت رب اليوم والأمس)2
2- (لما لقيت التلاميذ فشلوا
طول الليل في الصيد ولا أخدوا)2
انت أمرت شباكهم يرموا
(اصطادوا كتير والسفن امتلأوا)2
3- (والجموع كانوا جعانين
وخمس خبزات وسمكتين)2
باركت وخرجوا شبعانين
(وهاتِفضل دايماً أمين)2

1-(لو فكرنا للحظة ورجعنا لماضينا
عشنا لحظات فرح والباقي أيام حزينة)2
كُنّا سألنا نفسنا إيه سبب حزننا
ليه فضلنا زي ما احنا كل يوم في جرحنا

القرار- (احنا راجعين يا يسوع جوا حضنك ضمنا
في عالم مليان بجوع أنت تشبِع قلبنا)2

2-(كل يوم زي اللي قبله كله تغيير في المظاهر
الفراغ مالي القلوب ومش حقيقي اللي ظاهر)2
بندور نلف جوا دنيا وتدور تلف هي بينا
ونكتشف في النهاية احنا مطرح ما أبتدينا
3-(كل ظن وحلم يقظة كان عبارة عن سراب
شوفنا من بعيد جمال ومن قريب طلع تراب)2
وأتصدمنا في أملنا ووقفنا في مكاننا
ووقتها قولنا ياريتنا كُنّا توبنا وما بعدنا

1- (مستنيك مش راح ألجأ للإنسان مهما إن كان
لكن صابر ليك ومصدق انت معايا أقوى ضمان)2

القرار- (مش هاتزعزع ولا هارتاب.. حتى إن زاد الضغط عليَّ
واثق إني مش متساب.. ليَّ إلهي يده قوية)2

2- (مستنيك مش هاستعجل حتى إن طال الوقت عليَّ
أنا مستني طريقة إلهية فيها تِظهر ذاتك ليَّ)2
3- (مستنيك عارف إنِ بكرة معاك أحلى وأعظم
رغم كل صعاب حواليَّ هايكون ليَّ خير وتقدُم)2

1- (ماتتذمرش على الحالة وع الصحة اللي أنت فيها
ماتتذمرش دي ياما ناس وسط المرض مش بتلاقيها)2

القرار- (ارفع عينيك لفوق قول له يارب أشكرك
والحالة لو بتسوء ما تخليهاش تكسرك
صحي إيمانك فوق خلي الإيمان ينصرك ماتتذمرش)2

2-(ماتتذمرش لما تلاقي الاِحتياج سايب مرارة
ماتتذمرش الله أمين بيرعى أولاده بمهارة)2
3-(ماتتذمرش على حال بلادك مها كان فيها ظلام
ماتتذمرش اقبل وصلي اطلب لها يسود السلام)2

القرار- (أنا مش عايز م الدنيا دي
غيرك ربي يسوع في حياتي
وأعيش عمري كله الآتي
هدفي رضاك في كل أوقاتي)2

1- (أنا ياما جريت وفنيت عمري
ورا أهداف فانيةوأرضية
وما أخدت إلا الحزن في قلبي
مشتاق أحيا حياة سماوية)2
2-(مامنعتش عيني ولا قلبي
عن كل مباهج الدنيا
ولا شبعت عيني ولا قلبي
اشبعني بجودك يا فاديَّ)2
3-(ظنيت إن المال فيه سعادتي
أوالسلطة ترفع هامتي
لكني حزنت وزاد همي
عندك أنت غِنايا وكرامتي)2

1- يا شمس دومي واعلني إن إلهي حي
زيحي الغيوم ونوري واملي الأراضي ضي
قولي لكل الخليقة إلهي هو الحقيقة
واللي انتظر ورجاؤه فيه يلاقيه في وقته جاي

القرار- (إلهي ده إله قدير ربي رب الوجود
ومافيش أمر عسير إلهي ده غير محدود)2

2- انشق يا بحر الحياة ده صنع لشعبه طريق
ووضع حدود للمياه وقادر على كل شيء
ليه وسط الموت مخارج وفي وعده أمين وصادق
يخرِج لرَحب لا حصر فيه من بعد وجه الضيق
3- الأرض وياها السما تحدِّث بمجد الله
كل الخليقة والفََلَك تُعلن لا مِثله إله
اليوم بيذيع كلامه والليل بيقول إعلانه
لا قول ولا كلام على كلمة يقولها الله

1- (قدِّس ربي أعماقي دوافعي
وحياتي تكون طاهرة نقية
يبقى الظاهر زي الجوهر
وصورتك ربي تظهر فيَّ)2

القرار- وجه قلبي لفعل رضاك
وأعمل كل مسرة قلبك
(مش كلمات أو شعر أشواق
لكن أحيا حياة تشهد لك)2

2-(اتحكم في كل أموري
وقود ربي دفة عمري
فعل إرداتك هو سروري
ولا يخالف أمرك أمري)2
3-(نوَّر عيني بوجهك دايمًا
لما يسير قدامي يريح
ولا راح أخطي بدونك أبدًا
حتى إن كان طريقي مريح)2