مرنم باسم ابراهيم (38 ترنيمة )

1- (ينابيع بركاتك ما بتنشفش والصعبة معاك ما بتصعبش
وفيض إحسانك ما بتمنعش والقلب بوعدك ما بيضعفش)2
القرار - دي إيديك تشفي كل الجروح ونسيم فرح معاك بيفوح
في حضورك كل حزني يروح أفراح وياك في ملئ الروح)2
2-) وكل ما نطلب تسمع لينا من كل ضيقاتنا بتنجينا
بإنات الروح تشفع فينا خيرك أضعاف بتعطينا)2
3- (ولو تتزلزل الجبال ده وجودك يمحي كل محال
ولو في يوم رجانا مال بتنجي وتحيّي كل أمال)2

1- يوم ما سمعت صوت حبيبي بينـادي علي
صوتــه الحلو كان ممزوج بعطف وحنيـة
نداني فداني وســدد كل الديـن اللي عليَّ
(طهر قلبي وخلص نفسـي وفتـــح لي عينيَّ)2

القرار - صوت يســوع جميل يشـفي كل عليـل
تشهد له السموات والأرض وتشهد له الأناجيـل

2- لما فتـح لي عيني رأيت جماله عجيـــب
شفت آثار الحربة في جنبه وجروح الصليــب
شفت النور والنعمة في وجهه لما نظرت إليــه
(شفت الحب وشفت الشــهد بيقطر من شفتيـه)2

3- صوته يسكت أعظم قــوة يطفي أتون النار
تسمع له الرياح تخضع له وأمواج البحـار
لما ينادي الميت يخرج من بين الأمــوات
(صوته جميل وحلقه حلاوة وكله مشتهيـات)2

4- كل شيء مكشــوف قدامه وكل شيء عريــان
يعرف كل خفايـا القلب وأفكار الإنســان
يكشف أسرار الســامرية عند بيـــر يعقوب
(تعترف له بكل خطيــة وتـآمن وتتــوب)2

5- صوتـه ينادي لكل خاطي تعـال أرجع وتوب
هاغسل لك أنا كل الماضي من خطايـا وذنوب
تعـال أتمتع بالحرية كفــاية ذل وهوان
(تضمن معايا الأبديـــة وألبسك تيجــان)2

6- صوته ينور قلب الأعمى يشـفي كل عليل
شـاول يصبح بولس أعظم خـادم للإنجيـل
في الحـال غير كل طريقه لما الرب نــاداه
(تعال من بُعـدك حالاً وأســمع صوت الله)2

7- صوتـه ينادي لكل مؤمن لا تخشــى الآلام
ده معينك على العــالم ربك إله الســلام
لما تواجهك أي ضيـقة اذكر إنك غريــب
(ومســـافر لديار حبيبك ورحيلك قريـــب)

1- (يلجأ ليك المتضايق يلقاك جنبه وشاعر بيه
روحك فيه يسند ويقوِّي وايديك تمسح دمع عينيه)2

القرار – (لينا رئيس كهنة عظيم ده اللي فــدانا بدم كريم)2
أتألم في أرض أنين.. (مُعين كل المجرَّبين)2

2- (والتعبان من حمل الدين يقول يا أبا ماليش غيرك
تسمع له وتكون له معين تزيده من فيض خيرك)2
3- (والمضغوط ونفسه مُرَّه صرخته: ينظر لي عينيك
زي ما حَنَّة أخدت قوه يسمع صوتك يتشدد بيك)2

1- (وقف التاريخ ينحني لحظة ما جه ميلاده
والملايكة تنشد تغني وتعلّي أمجاده)2
(نجم مَشرق عظيم يعلن تحقيق لميعاده)2

القرار - (ده العظيم ابن العلي العالي
نوره ملء الأرض ومجده في الأعالي)2
نوره ملء الأرض ومجده في الأعالي

٢- (مولود في مزود وبيعلِن يسوع هو الحمل
اللي بصليبه وبدمه كل أوجاعنا احتمل)2
(يسوع ده عزنا وفيه مقامنا عِلي واكتمل)2

٣- (جانا بحبه في اتضاع والقصد يفدينا
وجاي تاني في السحاب علشان يهنينا)2
(حفلة عظيمة في بيت الآب وتشوفه عنينا)2

1-) في يوم مالهوش مثيل فـــــي مدينة فـ الجليل
جاها الملاك بالليـــــل ونادى طوباكِ يا مريم)2

القرار – (روح الله عليكِ بظله هـــــــا يغطيكِ
النور الساكن فيكِ مشتهي الشعوب)2

2- (يا مباركة ليكِ سلام وعـــندي ليكِ كــــلام
من سيدي رب الأنام بروحــــه ماليكِ نعمة)2

3- (ابنك ده ابـــــــن الله اسمه يسوع يا محـلاة
عمانوئيل معنـــــــاه وجانا بخير ورحمــــة)2

4- (في نبوة عن إيسوس من العـــــدرا يجي قدوس
يـــخلص النفــــــوس و مسرة لكل النـــــاس)2

القرار - هللوا سبحوه عظموه مجدوه
للحمل المذبوح الذبائِح قدموا

1- (ده اللي وعدنا خير ورحمة دايمًا معانا ليل ونهار
ده اللي حافظنا وبيطمنَّا ده إلٰهنا يسوع البار)2

2-) أجمل راعي بحب كبير قدم نفسه فَدا القطيع
علا مقامنا قام قومنا لأنه قدير مش ها نضيع)2

3-) لما نقول له: أنت ملجأ وإحنا فيك بنحتمي
يحفظنا من شر ووبأ ونجري لحضنه نرتمي)2

4- لو العدو كنهر جانا وبالخوف يربكنا
ده إلهنا نفخه منه بتمحيه وتنقذنا)2

1-) علشان يا رب حبك خلاص شق الحجاب
بقي لينا الحق ندخل وفتحت لينا الباب)2

القرار - (هنتواصل بدون فاصل في الحضرة يا قدوس
ونتحاجج ونتصالح ويحلي لنا الجلوس)2

2- (علشان أنت لينا راعي بتحامي عن الخراف
تنادينا باللاسامي وتحملنا على الكتاف)2

3- (علشان أنت خبز السماء ندخل قدسك ونشبع
ونلاقي فيك ارتواءنا لما قلوبنا بتخضع)2

4-) علشان صرنا بنين بعد ما كنا عبيد
تكشف لينا عن أسرارك وتأخذنا لعمق جديد)2

القرار – (حابب إني أحكي عنه للوجود وللبشر
عاري عني شال حبيبي شوكة الموت كَسَر)2

1- ع السلام اللي ماليني وانا ماشي الرحلة معــاه
ع الأمان اللي غامرني والمحبة اللي في رضاه
السلام ما يتـــــوصفش والأمان من غير حــــــدود
والمحبة فايضة تروي كل ذرَّة في الوجــــــــــــود

2- ع العناية واهتمامه وأنا فــــــــــــــي الغربة وياه
حبه ليَّ اللي مطمني وأنــــــا ماشي أقول الله
عاجز إني أقــــــــدر أوصف اللي ليَّ في المسيح
حتي لما الريح بتعصِف بالقاه راحتي و المريح

3- دوقوا يا ناس اللي أنا دايقه كله حلاوة ومشتهيات
فك أسري حرر نفسي كـــــل حياتي تسبيحات
يلا تعالوا بسرعة إليه ده المسيح هو الإله
الوحيد اللي بيغفر واللي بيقبل كل الخطاة