1- خبروني.. وين فيه قلب موجوع؟
خبروني.. وين فيه عيون كلا دموع؟
خبروني.. وين فيه عتمة بلا ضوع الشمعة؟
بدي قلن جاي عندنا الطفل يسوع
تا يشفي كل قلوب والفرح عالدروب
تا يمسح الدمعات تتلون البسمات
ويضوِّي كل بيوت أنوار الحب تعود
يصير السلام عنوان بين بني الإنسان
2- خبروني.. وين فيه ناس مشردة؟
خبروني.. وينن الأطفال المساكين؟
خبروني.. مين منكن للحب عطشانين؟
بدي قلكن وصل الخير اللي كلنا ناطرين
راح يكسي العريانين بثوب كله حنين
ويطعم الجوعان ويروي العطشان
ما يفرّق مين ومين أي قوم وأي دين
يسوع هوي الخلاص إلنا ولكل الناس
