القرار- (مد إيديك وأمرني أمشي على المية
مد إيديك ياللي سحقت راس الحيَّة)2
1-العواصف والرياح هايجة من كل الأماكن
لكن فيك أنا مرتاح بأمرك أنت البحر ساكن
(مد إيديك أنت انقذني من الآلامات
مد إيديك أنت ياربي بالبركات)2
احييني وادِّيني نصرة واِختبارات
2-المخاوف لو كتير أنت تقدر تعمل عجائب
أنت غالب الشرير وباسمك أنا برضو غالب
(مد إيديك سِد أفواه الأسود
مد إيديك معاك أحيا ولا أموت)2
نجيني وانزع يا إلهي مني الموت
3-طلبتي إليك تعالَ قدسني بدم الصليب
ليِّن قلبي من الصلابة خليني منك قريب
(مد إيديك حررني من كل أخطاء
مد إيديك ياللي دايماً ليَّ رجاء)2
غيَّرني وقوِّيني يا ربي كل الحياة
4- الحياة يا إلهي جنبك فيها شِبع وأرتواء
خلّيني دايماً بقربك وأنت ليَّ كل الحياة
(مد إيديك أنت بحُبك ثبِّتني فيك
مد إيديك أنت يا ربي واشبِّعني بيك)2
احييني ونقيني أعيش عمري إليك
