حياتي ملكك

1- (مش عايز أضيّع ولا لحظة في حياتي
غير وأعيشها لك يا ربي يسوع
أشتاقلك يا ربي وأتقِّدس يوماتي
وأعبدك وأسجد لك بكل خشوع)2

القرار- (حياتي ملكك وحدك ياللي فَدتيني
وآمالي انت وحدك ياللي حبيتني)2

2- (حبيت الحياة من يوم ما دخلت قلبي
لما أتغفرت ذنوبي وسكنت في قلبي
بقيت عايش مطمن ومعاك حسيت بقيمتي
لما سلمتك ذاتي وبقيت انت قيمتي)2
3- (انت فيك غنايَ ووحدك شبع قلبي
ياللي بتيجي تشاركني أفراحي وآلامي
معاك الغربة هانت لما سلامك غمرني
ياللي في عينك شايلني ودايماً بتشجعني)2