1- انت اللي حبيتني و بدمك فديتني
علشان تخلصني مُتّ علي الصليب
حررت كياني ونزعت أحزاني
وخلاصك مجاني يا أعظم طبيب
القرار - (شكراً سيدي خليتني فرحان
وبدمك اديتني للأبدية ضمان) 2
2- انت صاحب القوة كسرت قيد الحيّة
و حياتي الجاية ملكك يا يسوع
عمري هاعيشه ليك حياتي مِلك ليك
دايماً هاعلِّيك قدام الجموع
3- ياللي اديتني حياة وقدمت الفداء
وكمان في السماء أعددت لي مكان
بعد ما كنت عاصي و ميِّت في المعاصي
بقيت انت خلاصي يا إلهي الحنَّان
4- في إيمانك ثبّتني بكلامك اسندني
بوعودك عِنّي في المشوار معاك
عايش ساجد ليك كل رجايا فيك
وأنا عند قدميك ولغاية ما ألقاك
