القرار – (انده بصوتك عليا خليني أقوم من موتي
احييني واسكن فيا وكفاية موتي وسكوتي)2
1- (قلبي الحجر مش سامع مش شايف غير أنين
ولا عدش شيء ليه نافع للي مات من سنين)2
(وبقيت عبد للخطايا وأحمالي بتصرخ جوايا)2
والضلمة أنا مش شايف منها
محتاج لنورك ينزعها (انده بصوتك عليا)
2-(وحدك بتحيي الموتى ولا شيء يعسر عليك
وفاتح في قلبك مأوى للي يقرب ليك)2
(وأنا تايه مش عارف سكة وخايف من يومي وبكره)2
وحياة في العالم مش لاقي
ده العالم زود أحزاني (انده بصوتك عليا)
3-(ياللي عزابك وجرحك كان من أجلي أنا
عايز أعيشلك وأحبك وأترك أرض العناء)2
(ادّيني بداية حقيقية أحيا وأترك كل خطية)2
قوّمني أعيش من إنجيلك
بقوة خلاصك وصليبك (اندة بصوتك عليا)
