1-(معاك أنا شعرت بالأمان
معاك أنا عرفت معنى الحنان)2
معاك دايماً وواثق فيك يا إلهي الصادق
(معاك دايماً وواثق إنك نور الزمان)2
القرار - تارك نفسي معاك
يا شابعني انت وراويني
تارك نفسي معاك
ياللي دايماً حاميني
(ياللي معاك دُقت الراحة
ودايماً بحُبك تسبيني)2
2-(معاك أنا بقى ليَّ كرامة
معاك حبيت طريق الإستقامة)2
معاك فرحان وآمن لأني في حضنك ساكن
(معاك وسلوكي باين في طريق الإستقامة)2
3-(معاك هرب من قلبي كل خوف
معاك رافعني فوق كل الظروف)2
معاك معنى السعادة وانت يا يسوع كفاية
(معاك حتى النهاية يا إلهي وأب عطوف)2
4-(معاك أنا بقى ليَّ رجاء
معاك وانت حياتي في الحياة)2
معاك لقيت سلامي وملكت عمري وكياني
(غنَّى لك قلبي ولساني ياللي قدمِت الدواء)2
