القرار - ليَّ سند ... اللي بدماه مغطّيني
اللي وعد ... إنه صليبه يعدّيني
ويعلّيني فوق العالم
وعلى الصعوبات ... يقوّيني
1- في طريقي للقداسة في اجتهادي إن أنا أسكن في المسيح
إيماني بيك يا رجايا هو سلاحي وهو سندي ضد الريح
ولأنك انت إلهي الحي اللي دايمًا لمعونتي جاي
ياللي بتسمع صرخة قلبي بتيجي وتسندني
2-لو كان صعب طريقي وانت معايا أفرح وأنجح وأعيش في سلام
انت يا يسوع نصيبي مغروس في كرمك شبعان منك وكلي أمان
وفي وقت الضيق تبسط لطفك لما أخافك أشبع منك
ياللي بتسمع صرخة قلبي بتيجي وتسندني
3-لو ضاق الأمر بيَّ أركع وأصلي وأطلب منك بتطمّني
غالي يا يسوع عليَّ عمرك ماسمحت لأي شر يجي يغلبني
بأمانتك تفعل زي ما قُلت لو وقت الضيق عنك ما بعدت
ياللي بتسمع صرخة قلبي بتيجي وتسندني
4-لخلاصك أنتظرت شددت إيديّ وانت راعيَّ وصخري العظيم
لخلاصك أنتظرت قوتني فاديَّ وحنيت عليَّ لأنك رحيم
بركات السماء وبركات الغمر موجودة لعبدك طول العمر
ياللي بتسمع صرخة قلبي بتيجي وتسندني
