بيك أفراحي

1- (بيك أفراحي ابتدأت.. وصبح لها طعم روحاني
بيك يا يسوع المسيح
بيك ألحاني امتلأت.. بكلام عن رب فداني
بيك يا يسوع المسيح)2
(من قلبي اللي صبح مرتاح.. باعلن مبتدأ الأفراح)2
أيوه أنا دُقت ازاي قدامك.. تهرب أحزاني
2- (بيك خطاياي اتغفرت.. ودماك فوقي وساتراني
بيك يا يسوع المسيح
بيك خطاياي انطرحت.. في بحور كلها نسياني
بيك يا يسوع المسيح)2
(بيك يا يسوع المسيح.. باعلن مبتدأ التسبيح)2
والترانيم والصلاة هايفوح منها.. عطر اللي سباني
3- (بيك الظلمة انطردت.. والنور ابتدأ يملاني
بيك يا يسوع المسيح
بيك النعمة امتلكت فيَّ.. وبرّك ده كساني
بيك يا يسوع المسيح)2
(بالروح عربون الأمجاد.. باعلن مبتدأ الأعياد)2
واسجد لك والقلب يفيض.. ويعود ويرنم تاني
4- (بيك الغلبة دي عملت.. نهضة وتجديد في كياني
بيك يا يسوع المسيح
بيك النفس اعتزّت.. بصليب وخلاص مجاني
بيك يا يسوع المسيح)2
(بالدم علامة العلامات.. باعلن مبتدأ الهتافات)2
يلّا يا سما اهتفي إنما.. بهتاف عالي وسلطاني