1- (لما بتكون انت الموجود
مش ممكن حد يقول إنك انت مش هنا
مين شَفى الجروح وغفر الذنوب
وريّح القلوب غيرك يا فرحنا؟)2
القرار – (مين فاض فينا ونطقنا بتسبيح
غير اللي فادينا يسوع المسيح!)2
2- (لما بالنور تنوَّر القلوب
مش ممكن الضلمة تبقى لحظة هنا
مين ملانا سرور ونوَّر الدروب
وكسَّر كل سدود علشان يوصلنا)2
3- (لما بالغفران تجينا يا حنَّان
مش ممكن إنسان يفضل تعبان هنا
وعدتنا بالغفران وصليبك ده إعلان
بيخلي الشيطان بأمرك مهزوم لنا)2
4- (لما بسلطان تُملك الكيان
مش ممكن انسان يفضل بقيود هنا
بتريّح التعبان و تبرر بالإيمان
وعلى طول الزمان وعدك صادق لنا)2
