اجمل عبودية

1- (أجمل عبودية لمنفعْتي
لقيتها معاك يا يسوع
ده أنا ياما كنت عبد لغيرك
وراحت مني أيامي في جوع)2
(وبكيت ياما بكيت
من قسوة سيد ورا سيد)2
لكن أمّا اخترت أكون عبدك
بقيت انت السيد الوحيد

القرار – (جيت ولقيتني في وسط القبور
الضيق مكاني و الضلمة شايفها نور)2
حنّيت عليَّ فكّيت قيودي
أصبحت بيك عاقل يا يسوع

2- (أجمل حياةْ أنا حبيتها
لقيتها معاك يا يسوع
أنا ياما حاولت أعيش ما قدرت
وكانت كل أيامي رجوع)2
(و حزين أنا كنت حزين
على عمري وأحلى سنين)2
لكن أمّا اخترت إني أرجع لك
بقى كل العمر معاك ثمين
3- (أجمل أغنية أنا غنيتها
غنيتها ليك يا يسوع
ده أنا ياما ليلِي طرح لِي كآبة
وكل ما أشبع تاني أجوع)2
(وجريت ياما جريت
غير موتي أنا ما لقيت)2
لكن أمّا اخترت إني اخضع لك
بقيت انت الفرحة في أحلى بيت