1- (لسة شايفني انسان بعد عمر قضيته في هوان
لسة عندك ليَّ مكان ياللي بتحب الإنسان)2
القرار - أيوه بتحبني وأنا واثق فيك وفي حُبك
أيوه بتردني أرجع وأشبع من عطفك
أيوه عارف إنك ليَّ انت الرب وانت فاديَّ
حبك أكبر من الدنيا دية انت وحدك يايسوع
2-(لسة شايف إني ابنك بعد ما سيبتك وتركت حضنك
ياما ناديتني وقولت بحبك وكنت شايفني قريب منك)2
3- (لسة شايف إني أكون بعد ما عمر قضيته في جنون
قربت مني ياحنون علشان تشفيلي كل ظنون)2
4-(استنيت ومُرحب بيَّ تيجي تحط إيدك في ايديَّ
ربي سامحني على كل خطية خلصني من سجن الحيِّة)2
5- (جايلك ربي وليك عطشان جاي وقلبي مليان أحزان
لكن انت إله حنَّان هاتخلّيني أرجع فرحان)2
