القرار – (من النهاردة نَفسي مش مِلكي.. نَفسي مِلكك يا يسوع
وحدك انت العارِف قيمتي.. امتلكني يا يسوع)2
1- (محصور وسط الحجارة باصرُخ وكلّي أنين
باسْعى لأذية نفسي وعَايش دايماً حزين)2
(دايماً باهين نفسي مع سيد قاسي ردئ
قيّدني بالسلاسل أفقدني كل شيء)2
ودلوقتي لما شوفتك يا يسوع
حسيت بقيمة نَفسي اللي ضاعت مني
ده أنا عشت بعيد عنك في قسوة ودموع
لكن راجع وباقُول لك حررني وامتلكني
2- (فاقد معنى الحياة واخد نَفسي للموت
مجنون باسْعى لضياعي ولا سامِع أي صوت)2
(وبقيت ساكن لوحدي وسط قبور الأموات
وما حدش سامع مني إلا البكاء والصيحات)2
ودلوقتي لما شوفتك يا يسوع
مش قادر أقول لك غير ارحمني
ده أنا عشت بعيد عنك في قسوة ودموع
لكن راجع وباقُول لك حررني وامتلكني
