1- وها يجي يوم .... تشرق بنورك تتمحي كل الغيوم
تمسح بإيدك كل دمعة في العيون
ننسى المتاعب تتنتهي كل الوجوم
وها يجي يوم تعلى الحقيقة وتنكشف كل الوعود
يفضل كلامك حيّ لو يفنى الوجود
ننظر جمالك تختفي كل السدود
القرار- (ولحد ما يجي اليوم ده أنا ها أفضل ماسك فيك
ماشي في طريقي وسكتي وعيني عليك
طول عمري أسبح وأرفع اسمك وأعليك)2
2- وأنا مش ها أخاف ... طول ما أنا ابنك من إيه أنا راح أخاف
لما ها تيجي في وسط مجدك بالهتاف
تنده عليَّ وتسمعك كل الخراف
هافضل معاك طول عمري أعيش لك شهوتي تفضل رضاك
مطرح ما تمشي خطوتي ها تمشي وراك
شايل صليبك نصرتي وفاكر فداك
