1- (لما الرب وأصل الكل يقول متخافش
أنا ضامن لك بكرة الجاي ومتقلقش)2
(يبقى أنا لازم أصدق وعده
ربنا صادق عالي في مجده
هو ضامن لي بكرة الجاي وقال متخافش)2
2- (لما اللي بيرزق فرخ الطير جوه العش
قال أنا مسئول عن أكل العيش ميهمكش)2
(يبقي إزاي هايسبني جعان اداني الروح يشبعني كمان
هو المسئول عن أكل العيش مايهمكش)2
3- لما الله اللي في إيده أمر الناس
يقول حبيتك قبل ما تعرف انت الإحساس
لما اللي الكون بيسبِّح اسمه يعلّيه
يطلب إن كابن بدَالّه أنادي عليه
(إزاي قلبي يفضل قاسي قدام كاشف سر خلاصي
لازم أصدق انه راعيَّ وأبويا وعينه عليَّ)2
