1- عدّيت بحار الخوف كل ظروفي بتقتلني
شديت حبال اليأس المربوطة جوه مني
مديت إيدي لواحد بس هو اللي شايفني
وعارف كل خبايا القلب وقادر يسندني
القرار - (غيّر حياتي يا يسوع اسندني
ارفعني انجدني بانده عليك
غيّر حياتي يا يسوع قويني
عزيني اشفيني ده أنا ابن ليك)2
2- وصلت شط النجاة ورجّعت ليَّ روحي
ولقيت أحن إله بيشفي لي جروحي
عطشان أنا ارويني عوَّض سنين نوحي
ارسم من تاني طريقي قود انت طموحي
3- لو موج شر هايعلى و ياخدني في مدّه
هامشي معاك ع الميَّة ومعاك أنا قده
مش خايف تاني من الدنيا ولو سنيني عدوا
يسوع رُبان سفنتي شراعي في يده
