مش لاقى كلام

1-مش لاقي كلام أقوله وهو واقف يسمعني
لو لاقي وقولتهوله هاتفرِق في إيه يعني!
مش لاقي كلام أقوله وهو واقف يسمعني
لو لاقي وقولتهوله هاصعَب عليه يعني!
يعني كلامي معاه
مش زي كلامي مع باقي الناس
اللي يعمل متأثر علشان يهز ف راسه وخلاص

القرار- (يعني حاسس بيَّ وسامع صوتي بانادي عليه
طب وليه مايمدش إيده يشفيني أنا ما صعبتش عليه)2
هايسامِحني علشان جرأتي
لكن ده من عشمي فيه
جايز تكون حتى طريقتي
لكن ماليش غيرك أناديه

2- عارف طبعك حنين يعني حاسس بجراحي
وعشان جَرحي مش هيِّن ده بيزوَّد إلحاحي
إني أفهم بس إزاي عينك ماشفتنيش!
يعني إيه أصرخ يا إلهي اشفيني ولسه ماشفتنيش!

القرار- (وأنت حاسس بيَّ وسامع صوتي بنادي عليك
طب ليه ماتمدش إيدك ليَّ أنا ما صعبتش عليك)2
هاتسامحني علشان جرأتي
لكن ده من عشمي فيك
جايز تكون حتى طريقتي
لكن ماليش غيرك أناديه