بابعد وأقرب وكتير باجرب .. أمشي لوحدي في الطريق
باصرخ وأنادي ولا فيش أيادي .. تتكد ليَّ وتكوم صديق
وعارف إنك يا ربي واقف .. مستني تسمع كلمة مني
بس بعنادي مكمل بعادي .. والعمر يجري وكِبِر سني
( كتير يا رب بعدت عنك .. لا عملت خاطر كمان لزعلك
ولا جه في بالي إنك إنت بتخاف عليَّ
من فين أنا جبتها القسوة ديَّ ) 2
بعدت لكن جوة الأماكن .. محبوس لوحدي بقيت سجين
جوة كياني بقيت أناني .. وشروري زودت الأنين
ولحد إمتى هافضل كده .. مش لاقي هدفي في الحياة
جوايا نفسي متأكدة .. إنك قصادي طوق نجاة
( أنا ليك يا ربي راجع خلاص ..مستني عيني تشوف خلاص
في البعد ميت من النهارده معاك هاعيش
أنا بيك أنا وليك أي حاجة ماتهمنيش ) 2
أنا ليك يا ربي راجع خلاص
