(أعطاني الرب أحلى عطية خلصني من الخطية)2
وهلأ ثابت بقدر أقول مخلَّص بالمية مية
1-كنت في العالم مشغول هلكان وما عد فيي
عم فتش تايه مضلول عالراحة الأبدية
صممت أرجع ليسوع وأربح نفسي المضنية
سلمته كل الأتعاب وخطيتي صارت ممحية
وهلأ ثابت بقدر أقول مخلص بالمية مية
2-هلأ صدّقت وآمنت بالأخبار الأزلية
إنّه في جهنم وفي نار في حياة أبدية
شكراً للرب القدوس والمحبة الإلهية
خلص نفسي وكتير نفوس نفوس تحت العبودية
وهلأ ثابت بقدر أقول محرَّر بالمية مية
3-هلأ سامع صوت الرب والقدرة الإلهية
عارف شايف معنى الحق وصية جديدة وشو وصية
تذكرتي ما فيها شك بدم يسوع ممضية
عالسما رايح ما في شك راح أورث الأبدية
وهلأ ثابت بقدر أقول مخلَّص بالمية مية
4-هلأ صامد بوجّ الدهر والقوات البشرية
مش خايف من هبوب الريح شرقية أو غربية
مش خايف من حرّ الشمس ولا بتأذيني القمرية
باسم الرب تهدّ حصون قدرة ربي العلية
وهلأ ثابت بقدر أقول مخلَّص بالمية مية
