1-(لما الزمان يزرع بإيده في سكتي بذور الجـراح
واليأس يعلا قصـاد عينيَّ وأشوف أمل أيامي راح)2
(بالقاك تعيــد فيَّ الآمــال.. وتزيل حمولي لو جــبال
وتشق أمواج الفشل تفتح لي فيها طريق النجاح)2
القرار –(في كل الظروف بتثبت وجـودك تحـامي بيمينــك تحقق وعـودك
وتفضل معايا.. تجـدد قوايا... يا حاضن سنيني بخيرك وجودك)2
2-(لما الأنين يفرد شـراعه وينطفي ضي الأفـراح
بتحـط للأحزان نهايـة وتبدل الليل بصباح)2
(وألقاك بتحضني بإيديك.. و أبص أشوف صورتي في عينيك
وألاقي حبك وقت خوفي معنى يملا قلبي ارتياح)2
