وسط الضغوط

1- (وسط الضُّغوط هارنِّمها أنا مَحمِي في ستر القدير
أتعلَّق بيه وأعلِنها مِش ها يِشمت فيَّ الشـرير)2

القرار - ويجوُد ما هو الجوَّاد يِفيض بكلّ البركات
وخِيرُه عمره ما بيِخلَص
الزِّيت أهو كفَّانا وزاد واتحلِّت كلّ الأزمات
ودقِيقُه عمره ما هاينقَص

2- (تِرخَص تِغلَى مِش هَاحتاج ده إلٰهي غني وأنا واثِق فيه
ومهما البحر مُوجُه هاج يِدِّيني سلامُه ويهَدِّيه)2

3- (لو قَفَلِت كلّ الأبواب إدعيه ييجِي يِحضَـر يتمجِّد
وجُودُه يِكفي في الصَّعاب عندُه مخارج وبِيشدِّد)2

4- (والاختبار المَرَّة دي هايكوُن أعظم من اللِّي فات
وهُوّ سامع لصلاتي وبيصنَع دايماً معجزات)2

5- (وأنصُب أحجار المعونة ده ياما سندني بوعدُه
وأشكر رعايتُه الحنونة وأشهد بصلاحه ويدُّه)2