1- (أعمِل فينا نهضَه وزِيل عار العبوديَّة
والفشلان في نَفسُه يلاقيك الحرِّيَّة)2
(وبلمسِة إيدك دوِّب القلوب العنيدة
واللِّيلَة ويَّاك نفتح صَفَحَات جديدة)
القرار - (شعبك محتاج ليك واشتقنا لك غيَّرنا
مِدّ لنا إيديك اعبر لينا وأعِنَّا)
2- (شيل كلّ خصام أتزرع وَسطينا
وأزرع فينا سلام وبحُبَّك غطِّينا)
(ونواظب على الصَّلوات والشركة المسيحيَّة
وتعوَّض عن اللِّي فات بآيات معجزيَّه)
3- (ربّ الجنود يسُود وبمجده يسبينا
يهرب الحَسُود اللِّي ذلّ فينا)
(لما تاخُد مكانك وتِعلا في وسطينا
نفرح هنا قدَّامك ونزوِّد أغانينا)
4- (ونصلِّي بدُمُوع من أجل الخطاة
نشهد عن يسوع اللِّي أدَّانا حياة)
(ونعيش للِّي فدانا بأمانه وإخلاص
وتكون حياتنا رسالة لكلّ النَّاس)
