مسكت قلمي وقت أكتب كلام مخبي جوايا
سؤال شاغلني حيرني
فكري الضعيف بدأ يحسب
إزاي هاعيش في دنيايا
ومين هايشدني ويبني
ده ياما بصبره عزاني
وبوعظه ليَّ قواني
وبحكمته ياما علمني
بصمته كان بيتكلم
نزلت دموعه واتألم
لكن سافر خلاص سابني
في حزني صرخت يا ربي
ابعتلي أب من عندك
وفرّح قلبي يا قدوس
لقيت السما بتلبي
وإلهي يقول أنا سمعتك
وبعتلك أنبا تواضروس
القرار- (كمّل المسيرة شعبك محتاج إليك
ضمنا للحظيرة كل أملنا عليك)٢
في وقت عصيب بقيت بطرك
لأن يسوع عارف صبرك
وروح قدسه بيلهب فيك
وعشاننا حبيته في قلبك
ومتوكل على ربك
سلّم شعبه وكنيسته ليك
في لحظة بكيت بدمع عينيك
وداريت عنا وجهك بإيديك
قام الأنبا باخوميوس
وقلك كلنا وياك
والرعية ماشية وراك
وأولهم أنا خدامك
بحكمة قلت ساعات الليل
رغم ظلامها وقتها قليل
املوا بالرجا قلوبكم
دي مصر بلدنا هاتنور
ومهما إبليس اتصور
إلهنا ساحقه بأقدامكم
يا راعي رعاتنا صليلنا
وإنت أكيد في صلاتنا
يكون معاك ما يكون عليك
ومهما كان الحمل تقيل
ربك هايدي كتف يشيل
ده وعده إنه بروحه حاميك
مهما كانت كبيرة قدام عينيك مشاكلنا
بصلاتك تترفع وتهون علينا حمولنا
