١- (باكتبلك أيامي رسالة حب أهديها يارب إليك
وأرسملك تسبيحي حكاية هافضل أغنيهـا يا مليك)٢
(وأنا مهما قدمت يا ربي هافضل دايماً ليك مديون
ده إنت اتجسدت علشاني وشلت كل الهموم)٢
(ده العمر منور بيك والخير يملا ويفيض
وسرور في القلب أكيد أمطـار الـبـركـة تـزيـد)٢
٢- (يا كوكب الصبح العالي باعبد شخصك وأسجد ليك
وباسبح اسمك يا غالي دي النصرة مضمونة فيك)٢
(يا واهب للزهرة تيجان والعصفور دايماً شبعان
كل أسرار الكون في إيديك يهتف لك قلبي فرحان)٢
(يا مهوب أنا باخضع ليك يا يسوع أنا حبي إليك
يا راويني بغمر عينيك كل كرامة ومجد إليك)٢
٣- (أيام معدودة وهاقابلك زمن الغربة خلاص هايغيب
روحي هاتتمتع وأنا قربك وأنا شايف صورتك يا حبيب)٢
(أنا ضامن في سماك مكان بيتك صار ليَّ عنوان
توهبني أكاليل وتيجان وأتهـنى برب الأكوان)٢
(أنا هافضل مستنيك ده مجيئك لي قريب
وعينيَّ تكون في عينيك يا لفرحة قلبي بيك)٢
