(ياللي لقيت فيك الحرية ياللي معاك دست الأحزان
إنت ضمان أفراحي الجاية وإنت اللي بتديني أمان)٢
هافضل أرنم ليك على طول
وأرفع صوتي وأغني وأقول
إنت سيدي وليك حياتي
كل عمري ومهما يطول
إنت المعين وإنت الأمين
وعدك بيسند الحيرانين
إنت أساس الخير والنور
نهر بيروي الأرض البور
وإنت البسمة لكل حزين
هافضل أرنم وأجي وأسلم
قلبي اللي من خيرك شبعان
وأفضل في إيدك طفلك وليدك
وابنك اللي عليه سهران
(اسمك هو الحصن الآمن
شمس في وسط الليل بتبان
واللي بحقك ربي يآمن
طول أيامه يعيش فرحان)٢
واما الدنيا همومها تزيد
وحدك إنت بتبقى سنيد
تهدي موج الحزن إن هاج
وتطرح الأوجاع لبعيد
ما إنت المعين وإنت الأمين
وحدك بترفع المجروحين
مهما سنين الدنيا تفوت
وعدك عايش مش هايموت
ما هو إنت بسمة كل حزين
هافضل أرنم أجي وأسلم
قلبي اللي من خيرك شبعان
وأفضل في إيدك طفلك وليدك
وابنك اللي عليه سهران
(حبك جوه عروقي بينبض
والعمر بخيرك مليان
قربك فرحي بيعلى ويكبر
وبدونك يفضل دبلان)٢
ما أنت الفرح اللي أنا باحياه
وحدك خيري وغيرك لا
فيك آمالي وعمري معاك
وعرش قلبي إنت بتعلاه
ده إنت المعين وإنت الأمين
وإنت اللي تشبع المحتاجين
إنت هاتفضل نبع حنان
راحة لكل جريح تعبان
وتبقى بسمة كل حزين
هافضل أرنم وأجي وأسلم
قلبي اللي من خيرك شبعان
وأفضل في إيدك طفلك وليدك
وابنك اللي عليه سهران
