١- صلحوا مصابيحكوا المطفية وخليكوا صاحيين
واسهروا عشان لما يجيلنا مانبقاش نايميين
وفي عز الليل اخرجوا نوروا واطردوا ضلمته غيروا منظره
واشهدوا وأعلنوا قولوا على الأبواب فكّروا كل الناس الناسيين
القرار- عزوا الحزين والمتجرب طمنوا أشواق المتغرب
قوموا غنوا وقولوا يسوع قرب بشروا بالخير
رنموا هونوا من متاعبها متاعبها كتير
وافضلوا رنموا وهانغلبها والنصر كبير
إحنا ضيوف هنا بكرة نسيبها ومافضلش كتير
٢- ازرعوا في الأرض حياة وقوموا أتحدوا الموت
هاتوا ناس من إيد إبليس قبل الأيام ما تفوت
مدوا إيدين للي بيستنجدوا وامسكوا في الناس اللي بيبعدوا
شددوا أياديهم واتشددوا وانشدوا لإلهنا بعلو الصوت
٣- اصبروا ع الليل ماشي لوحده خليكوا صابرين
وانتظروا الرب بشوق ورجاء المنتظرين
وقريب قوي ينتهي حزننا قريب قوي ماشيين من هنا
هايجيلنا عريسنا وهايزفنا ما تقولوا معايا آمين وآمين
