القرار – (يا كبير ومفيش حاجة تحدك سلطانك على كل خليقتك
أنا جايلك خاضع لمشيئتك مسنود عالنعمة السماوية)٢
١- ماشي عالبحر بحرية تتحدى قانون الجاذبية
والبحر صبح ليك سجادة (وطريق مرصوف ومعدية)٢
والأكتر من كده خليت بطرس يمشي فوق المية
وإحنا بنحتاس وبنتحير (وبنغرق على شبر المية)٢
ماشي ومافيش حاجة تحدك
الموج بيطاطي ويخضعلك والريح الهايج يسكتلك
(وتقول الكلمة النهائية)٢
٢- وبتمشي في أتون نار حية والنار جبارة وعتية
أفران متجهزة مخصوصة (وسبع مرات متحمية)٢
خليتها طراوة ونداوة وربيع ونسايم طبيعية
وإحنا الدخان بيخوفنا (نهرب من الولعة المطفية)٢
ماشي ومافيش حاجة تحدك
النار الحامية بتبرد لك وتلات فتيان ماشية في ضلك
(يشهدوا للقدرة الإلهية)٢
