١- ياللي عالم بضعفي اديني نعمة تكفي ومعمولة في الطريق
ده أنت شايف دموعي وجروحي ما بين ضلوعي ما أنت خلي وصديق
(تعال امسك بيدي وعديني في التحدي وفوق كل ضيق)٢
٢- سمّعني صوت يقولي ده أنا وياك تملّي مش ممكن آنسى يوم
ده أنا اللي عالم بحالك في سكنك وفي ترحالك وأديك نعمة تدوم
(ساعتها قوام باشوف مهما تكون الظروف إنك حنان رحوم)٢
٣- وأما تفتح عينيَّ على الخير والمعية قلبي يملاه ضمان
وأبقى شايفك معايا ليَّ السور والحماية وحدك فيك الضمان
(أثبت ويزيد يقيني أنك ليَّ معيني تحميني مهما كان)٢
٤- فيزول شكي وآهاتي تعلالك ترنيماتي وأنا ليَّ غيرك مين
قلبي يملاه الإيمان مهما يمر الزمان أنت هاتفضل أمين
(وتمتّعني بحضورك وتشبّعني بسرورك وأشكر في كل حين)٢
