أوقات كتير باقع وإنت بتشدني
يا يسوع باقسى عليك وإنت بتحبني
وفي كل مرة بانكر وأنسى أرد الجميل
بتقرب مني باجري وأسيبك وأبعد ألف ميل
حبك يا رب حكاية ماتتكتبش في قلب سطور
أنا باحسد الدمعاية نازلة مني وأنا مكسور
بتمسحها وتهوِّن وبنفس الإيد تلوِّن
بسمة على وشّي وأنسى غشّي اللي ياما وعدتك إني أنهيه
حتى تفاصيل حياتي ساتر عنها يوماتي
وأنا دايماً يا ربي مش عارف فكري شارد عنك ليه
