النوبة

١- وسط وشوش فرحانة وسمرا
وسط عيون هنا ليها سحر مش عادي
فيها الطيبة وفيها البسمة
فيها حضارة أهلي وأجدادي
تلقى الخير والقلب الصافي
بضحكة بتعلا تطوف كل الوادي
يشرق نور الشمس الدافي
على أرض جميلة
هنا في حضن بلادي

القرار- في جنوب مصر بلاد النوبة
بحروف في تاريخ مكتوبة
أرضها غالية ومحبوبة
دي مهد النور أرض الأمان
لو جيت هنا مرة هاترجع تاني
وتقول النوبة وحشاني
هنا روح وسلام ومعاني
مش موجودة تاني في أي مكان

٢- زي طفلة جميلة بترسم
نيل ومراكب وبيوت بتضحكلك
وأيادي معاك في همومك تقسم
ووقت أفراحك من قلبها تفرحلك
تسمع صوت مزيكا بتعزف
بدفوف مليانة بهجة وأغاني
على وتر القلب لا يمكن توصف
رقصها وغناها في أي مكان تاني
في جنوب مصر بلاد النوبة
بحروف في تاريخ مكتوبة