١- الساكن في ستر الإله القدير
في ظلّ الحماية بيصحى ويبات
لا يِخشى من ضلمة ولاّ سهام بتطير
ربي مقوّم بيته ع الصخر ف ثبات
قرار:
(اسمك ستري وحصني فيك الأمان
شخصك مَسكن وملجأ إنت الضمان
مجداً لاسم المخلص ليك السلطان)٢
٢- إلهي نجاتي من فخ الصياد
ومهما التجارب خلتني مطحون
بيحاول عدوي يزيد الليل سواد
أما انا خلاصي في المسيح مضمون
٣- مخاوف مخاطر ما تقدر عليك
ده تحت جناحاته هاتعيش في سلام
بيوصي الملايكة تفضل حواليك
وف حضنه بتطمن وف ستره هاتنام
٤- اتعلق بربك تنول النجاة
وبخبزه السماوي أيامك تطول
مافي اسم غيره يوهبنا الحياة
قوم وأعلن إيمانك وبعلو صوتك قول
